ମଝି ସମୁଦ୍ରରୁ ୧୦ ବାଂଲାଦେଶୀ ମତ୍ସ୍ୟଜୀବୀ ଉଦ୍ଧାର : ସାମୁଦ୍ରିକ ଝଡରେ ବୋଟ ଦୁର୍ଘଟଣାଗ୍ରସ୍ତ ହେବାରୁ ମଝି ସମୁଦ୍ରରେ ଫସିଥିଲେ
କନକ ବ୍ୟୁରୋ : ମଝି ସମୁଦ୍ରରୁ ଉଦ୍ଧାର ହେଲେ ବାଂଲାଦେଶୀ ମତ୍ସ୍ୟଜୀବୀ । ସାମୁଦ୍ରିକ ଝଡରେ ବୋଟ ଦୁର୍ଘଟଣାଗ୍ରସ୍ତ ହେବାରୁ ମତ୍ସ୍ୟଜୀବୀ ସମୁଦ୍ର ଭିତରେ ଫସିଯାଇଥିଲେ । ପାଣିରେ ଜୀବନ ସହ ସଂଘର୍ଷ କରି ଭାସୁଥିବା ୧୦ ବାଂଲାଦେଶୀ ମତ୍ସ୍ୟଜୀବୀଙ୍କୁ ମା ଗଙ୍ଗା ନାମକ ଏକ ବୋଟ ଉଦ୍ଧାର କରି କୂଳକୁ ଆଣିଛି । ଆହତ ସମସ୍ତ ମତ୍ସ୍ୟଜୀବୀଙ୍କୁ ଭଦ୍ରକ ଜିଲ୍ଲା କସିଆ ସାମୁଦ୍ରିକ ପୁଲିସ ବାସୁଦେବପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ପାଇଁ ଭର୍ତି କରିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଗତ ୨୫ ତାରିଖରେ ବାଂଲାଦେଶୀ ମତ୍ସ୍ୟଜୀବୀଙ୍କ ବୋଟ ସାମୁଦ୍ରିକ ଝଡରେ ଦୁର୍ଘଟଣାର ଶିକାର ହୋଇଥିବା ପୁଲିସ ତଦନ୍ତରୁ ଜଣାପଡିଛି । ଭଦ୍ରକ ଜିଲ୍ଲା କସିଆ ଜେଠିରେ ଗତ ମଙ୍ଗଳବାର ମା ଗଙ୍ଗା ନାମକ ବୋଟ ଧରି ସମୁଦ୍ରରେ ମାଛ ମାରିବାକୁ ବାହାରିଥିଲେ । ବୁଧବାର ମଧ୍ୟାହ୍ନରେ ସମୁଦ୍ର ଭିତରେ ଭାସୁଥିବା ଅବସ୍ଥାରେ କେହି ଜଣେ ହାତ ଟେକି ଉଦ୍ଧାର ପାଇଁ ଡାକୁଥିବା ଦେଖିଥିଲେ ଗଙ୍ଗା ବୋଟର କର୍ମଚାରୀ । ଘଟଣାସ୍ଥଳରେ ପହଞ୍ଚି ଭାସୁଥିବା ସମସ୍ତ ୧୦ ବାଂଲାଦେଶୀ ମତ୍ସ୍ୟଜୀବୀଙ୍କୁ ଉଦ୍ଧାର କରି କୂଳକ ଆଣିଥିଲେ ।