ଓଡ଼ିଶା ଉପରେ ପଡ଼ିନି ‘ଗୁଲାବ’ର ବଡ଼ ପ୍ରଭାବ: ଏସଆରସି
କନକ ବୁରୋ: ବାତ୍ୟା ‘ଗୁଲାବ’ ପ୍ରଭାବରେ ରାଜ୍ୟର କୌଣସି ସ୍ଥାନରେ ହୋଇନି ବଡ଼ ପବନ । ଓଡ଼ିଶାରେ ପଡ଼ିନି ‘ଗୁଲାବ’ ବିଶେଷ କିଛି ପ୍ରଭାବ । ତେବେ ଆଞ୍ଚଳିକ ପାଣିପାଗ କେନ୍ଦ୍ରରୁ ମିଳିଥିବା ତାଜା ବୁଲେଟିନ୍ ମୁତାବକ ଆଉ ୨ରୁ ୩ ଘଣ୍ଟା ଭିତରେ ବାତ୍ୟା ‘ଗୁଲାବ’ର ପ୍ରଭାବ ଓଡ଼ିଶାରୁ ସମ୍ପୂର୍ଣ୍ଣ ପଳାଇବ । କାଁ ଭାଁ ସ୍ଥାନରେ ବର୍ଷା ଜାରି ରହିଛି କିନ୍ତୁ ସେମିତି କିଛି କ୍ଷୟକ୍ଷତି ହୋଇନାହିଁ । ମାଲକାନଗିରି ଜିଲ୍ଲାରେ ୫୦ରୁ ୬୦ଗଛ ଉପୁଡ଼ି ପଡ଼ିଥିଲା ଏବେ ସେହି ସ୍ଥାନରୁ ପୁନଃରୁଦ୍ଧାର କରାଯାଇଛି । କୋରାପୁଟରେ ଭୂସ୍ଖଳନ ହୋଇଥିଲା ସେଠାରେ ବି କାର୍ଯ୍ୟ ଜାରି ରହିଥିବା ସୂଚନା ଦେଇଛନ୍ତି ସ୍ୱତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ମୁତାବକ ‘ଗୁଲାବ’ର ପ୍ରଭାବରେ ପୂର୍ବନୁମାନ ହୋଇଥିବା ପ୍ରଭାବିତ ଜିଲ୍ଲା ଗୁଡ଼ିକର ୨୧ଟି ବ୍ଲକରେ ୫୦ ମିଲିମିଟର ବର୍ଷା ରେକର୍ଡ ହୋଇଛି । କିଛି ପାହାଡ଼ିଆ ସ୍ଥାନରେ ରାସ୍ତା ଉପରେ ପାଣି ଚାଲୁଥିଲା ଏବେ କମିଗଲାଣି । ତେବେ ଏହି ବାତ୍ୟା ‘ଗୁଲାବ’ର ସ୍ଥାନାନ୍ତରଣ ବେଳେ ମୋଟ୍ ୪୬ ହଜାର ୭୫ ଜଣଙ୍କୁ ପ୍ରାୟ ୧୧ଶହ ୮୯ ଆଶ୍ରୟସ୍ଥଳୀକୁ ସ୍ଥାନାନ୍ତରଣ କରାଯାଇଛି । ସବୁଠାରୁ ବଡ଼ କଥା ହେଲା କି, ୧୫୩୩ ଜଣ ଗର୍ଭବତୀଙ୍କୁ ସୁରକ୍ଷିତ ସ୍ଥାନାନ୍ତର କରାଯାଇଥିଲା । ଖୁସିର କଥା କି, ଗଞ୍ଜାମର ଏକ ଆଶ୍ରୟସ୍ଥଳୀରେ ସୁରକ୍ଷିତ ଭାବେ ଜଣେ ଶିଶୁ ଜନ୍ମ ନେଇଛି ।
ଅନ୍ୟପଟେ ମାଲକାନଗିରି ଏବେ ବି ବର୍ଷା ଜାରି ରହିଛି କିନ୍ତୁ ବିଶେଷ କ୍ଷତି ହେବନି, ତଥାପି ଆମେ ସବୁବେଳେ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦେଇଛୁ । ସବୁର ସ୍ଥିତି ଉପରେ ଆମେ ନଜର ରଖିଛୁ । ତେବେ ବିଦ୍ୟୁତ୍ ଜନିତ କ୍ଷୟକ୍ଷତିର ଖବର ଆସିନଥିବା କହିଛନ୍ତି ସ୍ୱତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା ।