ବାତ୍ୟା ପରେ କେମିତି ଅଛନ୍ତି ପଦ୍ମଶ୍ରୀ ପ୍ରକାଶ ରାଓ? ଘର ଛାତ ଉଡାଇ ନେଇଛି ସାମୁଦ୍ରିକ ଝଡ଼,୧୫ ଦିନ ପରେ ବି ପହଞ୍ଚିନି ପ୍ରଶାସନ

କନକ ବ୍ୟୁରୋ: ବାତ୍ୟା ଫନିରେ ଉଜୁଡିଯାଇଛି ପଦ୍ମଶ୍ରୀ ପ୍ରକାଶ ରାଓଙ୍କ ଘର । ସାମୂଦ୍ରିକ ଝଡ଼ ଫନି ପ୍ରକାଶ ରାଓଙ୍କ ଘରର ଛାତ ଉଡାଇନେଇଛି । ଗତ ୩ ତାରିଖରେ ବାତ୍ୟା ଫନି କଟକରେ ପ୍ରଳୟ କରିବା ସମୟରେ ବାହାରେ ଥିଲେ ପ୍ରକାଶ ରାଓ । ଏକ କାର୍ଯ୍ୟକ୍ରମରେ ଯୋଗ ଦେବା ପାଇଁ ପ୍ରକାଶ ଆବୁଧାବି ଯାଇଥିବା ବେଳେ ଘରେ ଏକାକି ଥିଲେ ତାଙ୍କ ପତ୍ନୀ ।

ବାତ୍ୟା ପ୍ରଭାବରେ ତାଙ୍କ ଘର ବିଶେଷ କ୍ଷତିଗ୍ରସ୍ତ ହୋଇଥିବା ବେଳେ ବାତ୍ୟାର ୧୫ ଦିନ ପରେ ବି ତାଙ୍କ ପାଖରେ ପ୍ରଶାସନ ପହଚିଂନାହିଁ କି କୌଣସି ସହାୟତା ମିଳିନାହିଁ ବୋଲି ସେ ଅଭିଯୋଗ କରିଛନ୍ତି । ସେପଟେ ଅତିରିକ୍ତ ଜିଲ୍ଲାପାଳ କହିଛନ୍ତି, ଅନୂଧ୍ୟାନ ପରେ ସରକାରୀ ବ୍ୟବସ୍ଥା ଭିତରେ ସହାୟତା କରାଯିବ । କଟକରେ ଚା ଦୋକାନ କରି ମାଗଣାରେ ପିଲାଙ୍କୁ ପାଠ ପଢାଉଥିବା ପ୍ରକାଶ ରାଓଙ୍କୁ ଭାରତ ସରକାର ପଦ୍ମଶ୍ରୀ ସମ୍ମାନରେ ସମ୍ମାନିତ କରିଛନ୍ତି ।