କନକ ବ୍ୟୁରୋ : ବଢୁଛି ରାତି, ବଢୁଛି ଭୟ । ରାତି ଯେତେ ଗଭୀର ହେଉଛି, ବାତ୍ୟାର ଭୟ ମନରେ ସେତେ ବଢି ବଢି ଚାଲିଛି । ରାତିର କଳାଅନ୍ଧାରକୁ ଭେଦ କରି ସ୍ଥଳଭାଗ ନିକଟତର ହେଉଛି ବାତ୍ୟା ‘ଫୋନି’ । ପୁରୀରୁ ବର୍ତ୍ତମାନ ୨୩୦ କିଲୋମିଟର ଦୂରରେ ରହିଛି ବାତ୍ୟା ‘ଫୋନି’ । କାଲି କସାଳ ୮ଟାରୁ ୧୦ଟା ଭିତରେ ଲ୍ୟାଣ୍ଡଫଲ୍ କରିବ ବାତ୍ୟା । ବାତ୍ୟା ଲ୍ୟାଣ୍ଡଫଲ୍ କରିବା ପୂର୍ବରୁ ପ୍ରଥମେ ଝିପି ଝିପି ବର୍ଷା ହେବ । ପରେ ପରେ ବର୍ଷାର ପରିମାଣ ବଢି ଚାଲିବ । ଧୀରେ ଧୀରେ ବର୍ଷାର ପରିମାଣ ବଢି ପ୍ରବଳ ହେବ । ଏନେଇ ସୂଚନା ଦେଇଛନ୍ତି, ଆଇଏମଡି ଏଜିଡି ମୃତ୍ୟୁଞ୍ଜୟ ମହାପାତ୍ର ।
Kanak News is now on WhatsApp
Join and get latest news updates delivered to you via WhatsApp
ତେବେ ବର୍ତ୍ତମାନ ସମୟର ସ୍ଥିତି ଉପରେ ଯଦି ନଜର ପକାଇବା, ତେବେ ଉପକୂଳ ଅଞ୍ଚଳରେ ୬୦ରୁ ୭୦ କିଲୋମିଟର ବେଗରେ ପବନ ବହୁଛି । ସମୁଦ୍ର ଅଶାନ୍ତ ହେଉଥିବା ବେଳେ ସମୁଦ୍ରରେ ଉଚ୍ଚ ଜୁଆର ଆସିବାର ମଧ୍ୟ ସମ୍ଭାବନା ରହିଛି । ତେବେ ବର୍ତ୍ତମାନ ସମୟରେ ୧୩ କିଲୋମିଟର ବେଗରେ ସ୍ଥଳଭାଗମୁହାଁ ହେଉଛି ବାତ୍ୟା ଫୋନି । ଯାହା ଆସନ୍ତାକାଲି ସକାଳ ୮ଟାରୁ ୧୦ ମଧ୍ୟରେ ଲ୍ୟାଣ୍ଡଫଲ୍ କରିବ ।