କନକ ବ୍ୟୁରୋ : ପୁରୀର ଆହୁରି ନିକଟବର୍ତ୍ତୀ ହେଉଛି ବାତ୍ୟା ‘ଫୋନି’ । ବର୍ତ୍ତମାନ ସୁଦ୍ଧା ହସ୍ତଗତ ହୋଇଥିବା ତାଜା ସୂଚନା ଅନୁଯାୟୀ, ପୁରୀ ଠାରୁ ଏବେ ଆଉ ମାତ୍ର ୨୦୦ କିଲୋମିଟର ଦୂରରେ ରହିଛି ଫୋନି । ବର୍ତ୍ତମାନ ଘଣ୍ଟାପ୍ରତି ୧୩ କିଲୋମିଟର ବେଗରେ ସ୍ଥଳଭାଗ ମୁହାଁ ହେଉଛି ବାତ୍ୟା । ତେବେ ସବୁଠାରୁ ବଡ କଥା ହେଉଛି, ଲ୍ୟାଣ୍ଡଫଲ୍ ବେଳେ ପବନର ବେଗ ଘଣ୍ଟାକୁ ୧୭୦ରୁ ୧୮୦ କିଲୋମିଟର ରହିବ । ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି, କେତେକ ସ୍ଥାନରେ ପବନର ବେଗ ୨୦୦ କିଲୋମିଟର ଉପରେ ରହିବ ବୋଲି ମଧ୍ୟ ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ପାଣିପାଗ ବିଭାଗ ଅନୁମାନ କରୁଛି କାଲି ସକାଳ ୮ଟାରୁ ୧୦ଟା ମଧ୍ୟରେ ପୁରୀ ଉପକୂଳ ନିକଟବର୍ତି ଅଂଚଳରେ ମାଡ ହେବ ବାତ୍ୟା । ସେହିପରି ଦେଢ଼ ମିଟର ଉଚ୍ଚତାର ଜୁଆର ଆସିବା ନେଇ ଆକଳନ କରାଯାଉଛି । ପ୍ରବଳ ଝଡ଼ ବର୍ଷାର ଆଶଙ୍କା ଥିବା ଯୋଗୁଁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି । ଗଂଜାମ, ଗଜପତି ସମେତ କଟକ, ପୁରୀ, ଜଗତସିଂହପୁର, ଖୋର୍ଦ୍ଧା, କେନ୍ଦ୍ରାପଡ଼ା ଆଦି ଜିଲ୍ଲାରେ ଏହି ବାତ୍ୟାର ପ୍ରକୋପ ଅଧିକ ମାତ୍ରାରେ ଅନୁଭୂତ ହେବ ।