କନକ ବ୍ୟୁରୋ : ସ୍ଥଳଭାଗ ନିକଟତର ହେବାରେ ଲାଗିଛି ବାତ୍ୟା ‘ଫୋନି’ । ବାତ୍ୟା ଯେତିକି ପାଖଉଛି, ପ୍ରଭାବରେ ବର୍ଷା ଓ ପବନ ବଢିବାରେ ଲାଗିଛି । ପୁରୀଠାରୁ ଆଉ ମାତ୍ର ୧୧୦ କିଲୋମିଟର ଦୂରରେ ଫୋନି ରହିଥିବା ବେଳେ ଘଣ୍ଟାପ୍ରତି ୧୬ କିଲୋମିଟର ବେଗରେ ସ୍ଥଳଭାଗ ଆଡକୁ ମୁହାଁଉଛି ବାତ୍ୟା । ତାଜା ସୂଚନା ଅନୁସାରେ ସକାଳ ୮ଟାରୁ ୧୦ଟା ଭିତରେ ବାତ୍ୟା ସ୍ଥଳଭାଗ ଛୁଇଁବାର ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସବୁଠାରୁ ବଡ କଥା ହେଉଛି, ବାତ୍ୟା ପ୍ରଭାବରେ ବିଭିନ୍ନ ସ୍ଥାନରେ ପ୍ରବଳ ବର୍ଷା ହେବା ଆରମ୍ଭ ହୋଇଗଲାଣି । ପୁରୀ ସମେତ ବିଭିନ୍ନ ସ୍ଥାନରେ ପ୍ରବଳ ବର୍ଷା ଲାଗି ରହିଛି । ଗୋପାଳପୁରରେ ୧୦୫ମିମି ବେଗରେ ପବନ ବୋହୁଛି । ବାତ୍ୟା ପୁରୀର ନିକଟବର୍ତ୍ତୀ ହେଉଥିବା ବେଳେ ପବନର ବେଗ ମଧ୍ୟ ବଢିବାରେ ଲାଗିଛି । ତେବେ ସ୍ଥଳଭାଗ ଛୁଇଁଲେ ପବନର ବେଗ ଘଣ୍ଟାପ୍ରତି ୧୭୦ ରୁ ୧୮୦ କିଲୋମିଟର ରହିବାର ସମ୍ଭାବନା ରହିଛି । ଏପରିକି କେତେକ ସ୍ଥାନରେ ୨୨୦ କିଲୋମିଟର ବେଗରେ ପବନ ବହିବାର ମଧ୍ୟ ସମ୍ଭାବନା ରହିଛି ।