ବାତ୍ୟା ବିପର୍ଯ୍ୟୟ ନେଉଛି ଭୀଷଣ ରୂପ, ଗୁଜରାଟର ସମୁଦ୍ରତଟବର୍ତ୍ତୀ ଅଞ୍ଚଳ ବନ୍ଦ କଲେ ସରକାର
କନକ ବ୍ୟୁରୋ: ବାତ୍ୟା ବିପର୍ଯ୍ୟୟ ରବିବାର ଅତି ଭୀଷଣ ରୂପ ନେଇଛି । ବର୍ତ୍ତମାନ ଏହା ଗୁଜରାଟର ସୌରାଷ୍ଟ୍ର ତଟବର୍ତ୍ତୀ ଅଞ୍ଚଳ ଆଡକୁ ଅଗ୍ରସର ହେବାରେ ଲାଗିଛି । ଗୁଜରାଟ ସରକାର ସମୁଦ୍ର ତଟବର୍ତ୍ତୀ ଅଞ୍ଚଳରେ ରହୁଥିବା ଲୋକଙ୍କୁ ସତର୍କ କରିଦେଇଛନ୍ତି । ଏହା ସହ ସମ୍ପୂର୍ଣ୍ଣ ଭାବେ ବନ୍ଦ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ପାଣିପାଗ ବିଜ୍ଞାନ ବିଭାଗ ଗୁଜରାଟର କଚ୍ଛ, ଦ୍ୱାରକା, ପୋରବନ୍ଦର, ଜାମନଗର, ରାଜକୋଟ, ଜୁନାଗଡ ଏବଂ ମୌରବୀ ଜିଲ୍ଲାରେ ୧୪ ଏବଂ ୧୫ ଜୁନରେ ପ୍ରବଳ ବର୍ଷା ନେଇ ସତର୍କ ସୂଚନା ଜାରି କରିଛି । ବାତ୍ୟା ବିପର୍ଯ୍ୟୟ ଜୁନ ୧୫ରେ କଚ୍ଛ ଏବଂ ମାଣ୍ଡବୀ ଏବଂ ପାକିସ୍ତାନର କରାଚୀ ମଧ୍ୟରେ ସ୍ଥଳଭାଗ ଛୁଇଁବାର ସମ୍ଭାବନା ରହିଛି । ଆଇଏମଡିର ସୂଚନା ଅନୁସାରେ ବାତ୍ୟା ବିପର୍ଯ୍ୟୟ ଜୁନ ୧୫ ତାରିଖ ଦ୍ୱିପ୍ରହରରେ ମାଣ୍ଡବି ଏବଂ ପାକିସ୍ତାନ କରାଚିର ମଧ୍ୟ ଭାଗରେ ସମୁତ୍ର ତଟକୁ ଛୁଇଁବ । ସ୍ଥଳଭାଗ ଛୁଇଁବା ବେଳେ ଏହାର ବେଗ ୧୨୫-୧୩୫ କିମି ରହିବ ।