କଟକ ଟାଙ୍ଗୀ ଅଞ୍ଚଳ ୧୬ନମ୍ବର ଜାତୀୟ ରାଜପଥରେ ଲୁଟେରାଙ୍କ ଆତଙ୍କ : ହାରିଅନ୍ତା ନିକଟରେ ମହିଳାଙ୍କ ବେକରୁ ସୁନା ହାର ଝାମ୍ପିନେଲେ ଦୁର୍ବୃତ୍ତ
ପ୍ରତିବାଦ କରିବାରୁ ରାଜରାସ୍ତାରେ ଫୁଟିଲା ଗୁଳି
କନକ ବ୍ୟୁରୋ : କଟକ ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ୧୬ ନଂବର ଜାତୀୟ ରାଜପଥ ହାରିଅନ୍ତା ନିକଟରେ ମହିଳାଙ୍କ ଠାରୁ ସୁନା ହାର ଝାମ୍ପିନେଲେ ଦୁର୍ବୃତ । କଳା ପଲସରରେ ଆସି ମହିଳାଙ୍କ ବେକରୁ ଲୁଟିଲେ ସୁନା । ପ୍ରତିବାଦ କରିବାକୁ ଦୁଇ ରାଉଣ୍ଡ ଗୁଳି ଫୁଟାଇଥିଲେ ଦୁର୍ବୃତ, ଗୁଳିମାଡରୁ ଅଳ୍ପକେ ବର୍ତ୍ତି ଯାଇଛନ୍ତି ଲୁଟର ଶିକାର ହୋଇଥିବା ମହିଳା ।
Kanak News is now on WhatsApp
Join and get latest news updates delivered to you via WhatsApp
ହାରିଅନ୍ତା ଗାଁର ଲିଙ୍ଗରାଜ ରାଉତଙ୍କ ସ୍ତ୍ରୀ ମମତା ରାଉତ ରାଜପଥରୁ ଗତକାଲି ଗାଁ ଆଡକୁ ଚାଲି ଚାଲି ଯାଉଥିବା ସମୟରେ ୨ ଜଣ ଲୁଟେରା କଳା ପଲସର ବାଇକରେ ଆସି ମହିଳା ପିନ୍ଧିଥିବା ସୁନାହାର ଝାମ୍ଫିବାକୁ ଉଦ୍ୟମ କରିଥିଲେ । ମହିଳା ଜଣକ ପ୍ରତିବାଦ କରିବାକୁ ୨ ରାଉଣ୍ଡ ଫାଙ୍କା ଗୁଳି ଚାଳନା କରିଥିଲେ ଲୁଟେରାମାନେ । ମହିଳା ଜଣକ ଭୟଭୀତ ହେବା ପରେ ତାଙ୍କ ଠାରୁ ସୁନା ଲୁଟ କରିନେଇଛନ୍ତି । ଟାଙ୍ଗୀ ଥାନା ପୁଲିସ ଲୁଟ ଘଟଣାର ଛାନଭିନ କରୁଛି ।