ନିଶା ପାଇଁ କଫସିରପ୍! ରାଜଧାନୀରୁ ନକଲି କଫସିରପ୍ ଜବତ ପରେ ଆକ୍ସନ୍ ମୋଡରେ ପୋଲିସ ।

କନକ ବ୍ୟୁରୋ: ନିଶା ପାଇଁ କଫସିରପ୍ ପିଉଛନ୍ତି ଯୁବପିଢୀ । ରାଜଧାନୀରେ ନକଲି କଫସିରପ୍ ଜବତ ହେବା ପରେ ଆକ୍ସନ୍ ମୋଡରେ କମିଶନରେଟ୍ ପୋଲିସ । ବିଭିନ୍ନ ଡ୍ରଗ୍ ଫାର୍ମା ଉପରେ ଚଢାଉ କରାଯାଇ, କଫସିରପର ମାନ ପରୀକ୍ଷା କରାଯାଉଛି । ଗତ ୩୦ ତାରିଖରେ ବରମୁଣ୍ଡା ବସ୍ଷ୍ଟାଣ୍ଡରୁ ୨୪ଶହ ବୋତଲ ନକଲି କଫସିରପ ଜବତ ହୋଇଥିଲା । ଏହି ନକଲି କଫସିରପ୍ ନୟାଗଡ ଚାଲାଣ ହେଉଥିଲା । ରସୁଲଗଡ ସ୍ଥିତ ଫାର୍ମା କମ୍ପାନୀ ଏହି କଫସିରପ୍ ପ୍ରସ୍ତୁତ କରୁଥିବାବେଳେ ଫାର୍ମା କମ୍ପାନୀ ଉପରେ ଚଢାଉ କରାଯାଇ ଏହାର ପରୀକ୍ଷା କରିବା ପାଇଁ ଲାବକୁ ପଠାଯାଇଛି ।

ସେପଟେ ନକଲି କଫସିରପ୍ ପ୍ରସ୍ତୁତ କରୁଥିବା ଫାର୍ମା କମ୍ପାନୀ ମାଲିକ ଫେରାର ଥିବା ଜଣାପଡିଛି । ଯୁବପିଢିଙ୍କ ଭିତରେ ଏହି କଫସିରପ୍ ଅଧିକ ବ୍ୟବହାର କରାଯାଉଥିବା ଜଣାପଡିଛି । ଏହି କଫସିରପ୍ ଆବଶ୍ୟକତା ଠାରୁ ଅଧିକ ପିଇବା ଦ୍ୱାରା ହାଲୁକା ହାଲୁକା ନିଶା କଲାଭଳି ଅନୁଭୂତି ହୋଇଥାଏ ।