କନକ ବ୍ୟୁରୋ : ବହୁ ଚର୍ଚ୍ଚିତ କ୍ରୁଜ ଡ୍ରଗ୍ସ ମାମଲାରେ ଆଜି ପୁଣିଥରେ ଅଭିନେତା ଶାହାରୁଖ ଖାନଙ୍କ ପୁଅ ଆରୟନ ନିରାଶ ହୋଇଛନ୍ତି । ତାଙ୍କ ଜାମିନ ଆବେଦନ ଉପରେ ଶୁଣାଣି କରି କୋର୍ଟ ଆଜି ଆବେଦନକୁ ଖାରାଜ କରିଦେଇଛନ୍ତି । ଡ୍ରଗ୍ସ ମାମଲାରେ ଫସିଥିବା ଆରୟନଙ୍କ ଜାମିନ ଆବେଦନ ଉପରେ କିଛିଦିନ ହେବ ତାରିଖ ପରେ ତାରିଖ ଦେଇ ଚାଲିଛନ୍ତି କୋର୍ଟ । ଅକ୍ଟୋବର ୧୪ ତାରିଖରେ ସେସନ କୋର୍ଟର ଜଜ୍ ଓକିଲଙ୍କ ଦଲିଲ୍ ଶୁଣିବା ପରେ ନିଷ୍ପତ୍ତି ସୁରକ୍ଷିତ ରଖିଥିଲେ । କେବଳ ଆରୟନ ନୁହଁନ୍ତି ଏହି ମାମଲାରେ ଛନ୍ଦି ହୋଇଥିବା ଅରବାଜ ମଚେଣ୍ଟ ଓ ମୁନମୁନ ଧମେଚାଙ୍କ ଜାମିନ ଆବେଦନ ବି ଖାରଜ କରିଛନ୍ତି କୋର୍ଟର୍ । କହିରଖୁ କି ଆରୟନ ଡ୍ରଗ୍ସ ମାମଲାରେ ଛନ୍ଦି ହୋଇ ଅକ୍ଟୋବର ୩ ତାରିଖ ଦିନ ଗିରଫ ହୋଇଥିଲେ । ସେବେଠାରୁ ୧୭ ଦିନ ହେବ ସେ ଜେଲରେ ଅଛନ୍ତି
Kanak News is now on WhatsApp
Join and get latest news updates delivered to you via WhatsApp
ଏନସିବି ଅଭିଯୋଗ କରିଛି କି ଗୋଆ ଯାଉଥିବା ଏକ କ୍ରୁଜ ସିପ୍ ରେ ଡ୍ରଗ୍ସ ପାର୍ଟି ଆୟୋଜନ କରାଯାଇଥିଲା । ଏହି ପାର୍ଟିରେ ଆରୟନ ସାମିଲଥିଲେ । ଅନ୍ୟପଟେ ଆରୟନଙ୍କ ଓକିଲ କହିଥିଲେ କି ଆରୟନ ସେହି ପାର୍ଟିରେ ସାମିଲ ଥିଲେ ବି ଏନସିବି ତାଙ୍କ ନିକଟରୁ କୌଣସି ମାଦକ ଦ୍ରର୍ବ୍ୟ ଜବତ୍ କରିନାହିଁ । ତେଣୁ ତାଙ୍କୁ ଜାମିନରେ ଛାଡିବାକୁ କୋର୍ଟରେ ଯୁକ୍ତି ବାଢିଥିଲେ ଆରୟନଙ୍କ ଓକିଲ । ହେଲେ କୋର୍ଟ ଏହି ମାମଲାରେ ଆରୟନଙ୍କ ସମେତ ତାଙ୍କ ସହ ଗିରଫ୍ ହୋଇଥିବା ଅରବାଜ ମଚେଣ୍ଟ ଓ ମୁନମୁନ ଧମେଚାଙ୍କ ଜାମିନ ଆବେଦନକୁ ଖାରଜ କରିଦେଇଛନ୍ତି ।