କେନ୍ଦ୍ରାପଡ଼ା ପାଟକୁରାରେ ମିଳିଲା ଅଶୋଧିତ ତେଲର ସନ୍ଧାନ । ତେଲ ବାହାର କରିବା ପାଇଁ ଅଏଲ ଇଣ୍ଡିଆ ପକ୍ଷରୁ ପ୍ରସ୍ତୁତି ଆରମ୍ଭ
କନକ ବ୍ୟୁରୋ: କେନ୍ଦ୍ରାପଡ଼ାରୁ ବାହାରିବ ଅଶୋଧିତ ତେଲ । ମାର୍ଶାଘାଇ ଗଉଡଗାଁରେ ମିଳିଛି ହାଇଡ୍ରୋକାର୍ବନ ବା ଅଶୋଧିତ ତେଲର ସନ୍ଧାନ । ମାଟି ତଳୁ ତେଲ ବାହାର କରିବା ପାଇଁ ଅଏଲ ଇଣ୍ଡିଆ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି । ଅଏଲ ଇଣ୍ଡିଆ କମ୍ପାନୀ କର୍ତ୍ତୃପକ୍ଷ ଓ ଜିଲ୍ଲା ପ୍ରଶାସନ ପକ୍ଷରୁ ଜମି ଚିହ୍ନଟ କାମ ଶେଷ ହେବା ପରେ ଜମି ହରାଇଥିବା ଲୋକଙ୍କୁ କ୍ଷତିପୂରଣ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେଲ ବାହାର କରିବାକୁ ପ୍ରାୟ ୧୪ ଏକର ୭୪ ଡିସିମିଲ ଜମି ଚିହ୍ନଟ ହୋଇଥିବା ବେଳେ ଆବଶ୍ୟକ ହେଉଥିବା ଜମି ପାଇଁ ୧୧୪ ଜଣ ସ୍ଥାନୀୟ ଲୋକଙ୍କୁ ୧ କୋଟି ୬୩ ଲକ୍ଷ ଟଙ୍କା ଅନୁକମ୍ପା ରାଶି ପ୍ରଦାନ କରାଯାଇଛି । ଜମି ମାଲିକଙ୍କଠାରୁ ୩ ବର୍ଷ ପାଇଁ ଆବଶ୍ୟକ ହେଉଥିବା ଜମିକୁ ଲିଜ୍ରେ ନେଇଛି କମ୍ପାନୀ । ଏହା ପରେ ଅଏଲ ଇଣ୍ଡିଆ ପକ୍ଷରୁ ଭିତିଭୂମି ବିକାଶ କାମ ଆରମ୍ଭ ହୋଇଛି । ଅଧିଗ୍ରହଣ ହୋଇଥିବା ଜମିର ଚାରିପଟେ କମ୍ପାନୀ ପକ୍ଷରୁ ପିଲାର ବସାଯାଇଛି ।