ଖୋର୍ଦ୍ଧାରେ କାଉ ମଡକ । ବାର୍ଡ ଫ୍ଲୁ ଯୋଗୁଁ ରାସ୍ତାରେ ମରି ପଡୁଛନ୍ତି କାଉ ।

କନକ ବ୍ୟୁରୋ: କାଉ ମଡ଼କ, ଖୋର୍ଦ୍ଧାରେ ବାର୍ଡ ଫ୍ଲ୍ୟୁ ଆଶଙ୍କା । ଖୋର୍ଦ୍ଧା ପୁର୍ବସାହି ଅଂଚଳରେ କାଉ ମଡକ ଦେଖିବାକୁ ମିଳିଛି । ଦୁଇ ଦିନ ହେବ ଗାଁରେ ଥିବା ଏକ ମନ୍ଦିର ଏବଂ ବଜାରରେ ୨୦ରୁ ଅଧିକ କାଉ ମରିପଡିଥିବା ଦେଖିବାକୁ ମିଳିଛି । ଯାହାକୁ ନେଇ ସ୍ଥାନୀୟ ଅଂଚଳରେ ଆତଙ୍କ ଖେଳିଯାଇଛି ।

ଲୋକେ ବାର୍ଡ ଫ୍ଲ୍ୟୁ ଆଶଙ୍କା କରି ପ୍ରାଣୀଧନ ବିଭାଗ ଖବର ଦେଇଥିଲେ । ପାଣୀଧନ ବିଭାଗର ଉପନିର୍ଦ୍ଦେଶକ ଡ. ମାନସ ଚାନ୍ଦଙ୍କ ନେତୃତ୍ୱରେ ଏକ ଟିମ ଘଟଣାସ୍ଥଳରେ ପରିଦର୍ଶନ କରି ସ୍ଥିତି ଅନୁଧ୍ୟାନ କରିଛନ୍ତି । ଟିମ୍ ମରିପଡିଥିବା କାଉଁର ନମୁନା ସଂଗ୍ରହ କରି ପରୀକ୍ଷା ପାଇଁ ଫୁଲନଖରାରେ ଥିବା ପ୍ରାଣୀରୋଗ ଗବେଷଣା ଲାବକୁ ପଠାଯାଇଛି । ପରେ ମୃତ କାଉଗୁଡିକୁ ପୋଡି ପୋତି ଦେଇଥିବା ବିଭାଗ ପକ୍ଷରୁ କୁହାଯାଇଛି । ଆଜି ସ୍ଥାନୀୟ ଅଂଚଳରେ ଥିବା କୁକୁଡା ଏବଂ ଅନ୍ୟ କାଉଙ୍କ ନମୂନା ସଂଗ୍ରହ ପ୍ରକ୍ରିୟା ଅରମ୍ଭ ହୋଇଛି । ଯଦି ବାର୍ଡ ଫ୍ଲୁ ଯୋଗୁ କାଉଁଙ୍କ ମୃତ୍ୟୁ ହୋଇଥାଏ ତେବେ କୁକୁଡାଙ୍କ ରକ୍ତ ଓ ସ୍ୱାବ୍ ପରୀକ୍ଷା ପାଇଁ ଭୋପାଳ ପଠାଯିବ ।