କନକ ବ୍ୟୁରୋ : ସାର ପାଇଁ ଚାଷୀ ଅଶାନ୍ତି । ୟୁରିଆ ସାର ପାଇଁ ଚାଷୀଙ୍କ ମଧ୍ୟରେ ଠେଲା ପେଲା, ପଥର ମାଡ଼ ଭଳି ଚିତ୍ର ନବରଙ୍ଗପୁରରେ ଦେଖିବାକୁ ମିଳିଛି । ନବରଙ୍ଗପୁର କୋଷମୁଡ଼ାରେ ଥିବା ଲ୍ୟାମ୍ପସରେ ସାର ପାଇଁ ଶତାଧିକ ଲୋକ ଏକାଠି ହୋଇଥିବା ବେଳେ ଏଭଳି ଅପ୍ରିତିକର ପରିସ୍ଥିତି ସୃଷ୍ଟି ହୋଇଛି । ପରିସ୍ଥିତି ନିୟନ୍ତ୍ରଣ କରିବା ପାଇଁ ପୋଲିସକୁ ନାକେଦମ ହେବାକୁ ପଡ଼ିଛି । ଏପରିକି ପୋଲିସ ଓ ଚାଷୀଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ଦେଖାଦେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୁଚନା ଅନୁସାରେ କୋଷାମଗୁଡ଼ା ଲ୍ୟାମ୍ପସକୁ ମାତ୍ର ୧୭୦୦ ବସ୍ତା ସାର ଆସିଥିବା ବେଳେ ଏହାକୁ ନେବା ପାଇଁ ୩ହଜାରରୁ ଅଧିକ ଲୋକ ଭିଡ଼ ଜମାଇଥିଲେ । ଯେତିକି ପରିମାଣରେ ସାର ଆସିବା କଥା ତା’ ଠାରୁ କମ୍ ସାର ଆସିଥିବାରୁ ଏଭଳି ପରସ୍ଥିତି ସୃଷ୍ଟି ହୋଇଥିଲା । ପୂର୍ବରୁ ଲ୍ୟାମ୍ପସ ପରିଚାଳକ ଏବଂ ସ୍ଥାନୀୟ ପ୍ରଶାସନ ଆବଶ୍ୟକ ପରିମାଣ ସାର ଯୋଗାଇଦେବାକୁ କହିଥିଲେ । ହେଲେ ଆଜି ମାତ୍ର ୩ଗାଡ଼ି ତଥା ୧୭୦୦ ପ୍ୟାକେଟ ୟୁରିଆ ସାର ଲ୍ୟାମ୍ପସକୁ ଆସିଥିଲା । ଯାହାକୁ ନେଇ ଉତେଜନା ମୂଳକ ପରିସ୍ଥିତି ସୃଷ୍ଟି ହୋଇଥିଲା । ତେବେ ସାର ସମସ୍ୟାକୁ ନେଇ କୋଷମଗୁଡ଼ା ଅଂଚଳ ଚାଷୀ ଆନ୍ଦୋଳନକୁ ଓହ୍ଲାଇବ ବୋଲି ଚେତାବନି ଦେଇଛନ୍ତି ।