ଭଂଜନଗର ବାହାଡ଼ାପଦର ଟିକାକରଣ କେନ୍ଦ୍ରରେ ଅସମ୍ଭବ ଭିଡ଼ : ଖରା ଯୋଗୁଁ ଧାଡ଼ିରେ ଜୋତା ରଖି ଛାଇରେ ଜଗି ରହିଲେ ହିତାଧିକାରୀ
ହିତାଧିକାରୀଙ୍କୁ ଦେବା ପାଇଁ ଆସିଛି ୧୮୦ ଡୋଜ ଟିକା ; ହେଲେ ଟିକା କେନ୍ଦ୍ର ବାହାରେ ଶହ ଶହ ଲୋକଙ୍କ ଭିଡ
କନକ ବ୍ୟୁରୋ : ଗୋଟେ ପଟେ ଦେଶରେ ଟିକାକରଣରେ ନୂଆ ରେକର୍ଡ ସୃଷ୍ଟି ହୋଇଛି । ଅନ୍ୟପଟେ ରାଜ୍ୟରେ ଟିକା ପାଇଁ ଲୋକ ଲଗାଉଛନ୍ତି ଲମ୍ବା ଲାଇନ । ଟିକା ନମିଳିବାରୁ ଟିକା କେନ୍ଦ୍ର ବାହାରେ ଲୋକଙ୍କ ହୋହାଲା । ଆପଣ ଦେଖିଥିବା ଚିତ୍ର ହେଉଛି ଭଂଜନଗର ବାହାଡ଼ାପଦର ଟିକାକରଣ କେନ୍ଦ୍ରର । ପ୍ରଥମ ଡୋଜ ଟିକା ନେବା ପାଇଁ ଟିକାକେନ୍ଦ୍ର ବାହାରେ ଚପଲ ରଖି ଭୋରୁ ଭୋରୁ ଧାଡି ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରବଳ ଖରା ହେଉଥିବାରୁ ନିଜ ଚପଲକୁ ଲାଇନରେ ରଖି ଟିକା ନେବା ପାଇଁ ଅପେକ୍ଷା କରିଛନ୍ତି ହଜାର ହଜାର ଲୋକ । ଲୋକଙ୍କ ମୁହଁରେ ମାସ୍କ ନଥିବା ବେଳେ ନାହିଁ ସାମାଜିକ ଦୂରତା । ସବୁଠାରୁ ବଡ଼ କଥା ହେଉଛି ଟିକା କେନ୍ଦ୍ରକୁ ଆସିଛି ୧୮୦ ଟିକା । ଟିକା ନେବା ଟିକା କେନ୍ଦ୍ର ବାହାରେ ଅପେକ୍ଷା କରିଛନ୍ତି ହଜାର ହଜାର ଲୋକ । ଏତେ ସଂଖ୍ୟକ ଲୋକଙ୍କୁ ଦେଖି ଟିକାକେନ୍ଦ୍ର କର୍ମଚାରୀ ଜିଲ୍ଲା ପ୍ରଶାସନକୁ ଜଣାଇଛନ୍ତି । ଏତେ ଲୋକଙ୍କୁ କିପରି ଟିକା ଦିଆଯିବ ସେନେଇ ପଚାରିଛନ୍ତି । ଘଟଣା ସ୍ଥଳରେ ହୋହାଲା ଲାଗି ରହିଛି ।