ତୀବ୍ର ଅବପାତରେ ପରିଣତ ହେଲା ଅବପାତ : ପ୍ରଭାବରେ ସାରା ରାଜ୍ୟରେ ପ୍ରବଳ ବର୍ଷା
ଆଜି ସକାଳ ସୁଦ୍ଧା ଚାନ୍ଦବାଲି ଅତିକ୍ରମ କରିବ ଡ଼ିପ୍ରେସନ, ୭ ଜିଲ୍ଳାକୁ ରେଡ଼ ୱାର୍ଣ୍ଣିଂ ଜାରି କଲା ପାଣିପାଗ ବିଭାଗ; ପୁରୀରେ ସର୍ବାଧିକ ବର୍ଷା
କନକ ବ୍ୟୁରୋ : ତୀବ୍ର ଅବପାତରେ ପରିଣତ ହେଲା ଅବପାତ । ଏହାର ପ୍ରଭାବରେ ସାରା ରାଜ୍ୟରେ ପ୍ରବଳ ବର୍ଷା ଲାଗି ରହିଛି । ୬ ଘଂଟା ହେବ ୫ କିଲୋମିଟର ବେଗରେ ଗତି କରୁଛି ଅବପାତ । ଏହା ଚାନ୍ଦବାଲିଠାରୁ ୬୦ କିଲୋମିଟର ଓ ପାରାଦୀପଠାରୁ ୪୦ କିଲୋମିଟର ଦୂରରେ ରହିଛି । ଆଜି ସକାଳ ସୁଦ୍ଧା ଅବପାତ ଚାନ୍ଦବାଲି ଅତିକ୍ରମଣ କରିବ । ଏହା ପଶ୍ଚିମ ଉତର ପଶ୍ଚିମ ଦିଗରେ ଗତି କରି ଉତର ଓଡ଼ିଶା ଅତିକ୍ରମ କରିବ । ୪୮ ଘଂଟା ମଧ୍ୟରେ ଉତର ଛତିଶଗଡ଼ ଓ ମଧ୍ୟପ୍ରଦେଶ ଅତିକ୍ରମ କରିବାର ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଅବପାତ ପ୍ରଭାବରେ ରାଜ୍ୟରେ କିଛି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେବା ସହ ଅନେକ ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହେବ । ୭ ଜିଲ୍ଲାକୁ ରେଡ୍ ୱାର୍ଣ୍ଣିଂ ଜାରି କରିଛି ପାଣିପାଗ କେନ୍ଦ୍ର । ଆଜି ପଶ୍ଚିମ ଓଡ଼ିଶାରେ ମଧ୍ୟ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏନେଇ ସ୍ୱତନ୍ତ୍ର ରିଲିଫ୍ କମିଶନର ଜିଲ୍ଲାପାଳମାନଙ୍କୁ ୨୪ ଘଂଟିଆ କଂଟ୍ରୋଲ ରୁମ୍ ଖୋଲିବା ସହ ସ୍ଥିତି ଉପରେ ନଜର ରଖିବାକୁ ନିର୍ଦ୍ଦେଶ ଦିଆଯାଇଛି । ଆଜି ଉପକୂଳ ଓଡ଼ିଶାରେ ଘଂଟା ପ୍ରତି ୪୦ରୁ ୫୦ କିଲୋମିଟର ବେଗରେ ପବନ ବୋହିବାକୁ ଥିବାରୁ ସମସ୍ତ ବନ୍ଦରରେ ୩ ନମ୍ବର ବିପଦ ସଙ୍କେତ ଜାରି କରାଯାଇଛି । ଆସନ୍ତାକାଲି ପର୍ଯ୍ୟନ୍ତ ମତ୍ସଜୀବୀଙ୍କୁ ସମୁଦ୍ର ଭିତରକୁ ନଯିବାକୁ କୁହାଯାଇଛି ।
ଲଘୁଚାପ ପ୍ରଭାବରେ ୨୪ ଘଂଟାରେ ପୁରୀରେ ସର୍ବାଧିକ ୩୨୯ ମିଲିମିଟର ବର୍ଷା ରେକର୍ଡ କରାଯାଇଛି । ଆଜି ଦିନ ତମାମ ବର୍ଷା ଜାରି ରହିବ । ପୁରୀ, ଖୋର୍ଦ୍ଧା କଟକ, ଜଗତସିଂହପୁର, କେନ୍ଦ୍ରାପଡ଼ା, ଢେଙ୍କାନାଳ ନୟାଗଡ଼କୁ ରେଡ଼ ୱାର୍ଣ୍ଣିଂ ଜାରି । ସେପ୍ଟେମ୍ବର ମାସରେ ରେକର୍ଡ଼ ଭାଙ୍ଗିଲା ଭୁବନେଶ୍ୱର ବର୍ଷା । ରାତି ତମାମ ବର୍ଷା ଜାରି ରହିଛି । ୧୯୫୮ ସେପ୍ଟମ୍ବର ୯ରେ ୨୪ ଘଂଟାରେ ଭୁବନେଶ୍ୱରରେ ୧୬୩ ମିମି ବର୍ଷା ରେକର୍ଡ଼ ହୋଇଥିଲା । ସର୍ବକାଳିନ ରେକର୍ଡ଼ ୧୬୩ ମିମିରହିଥିଲା । ଆଜି ୨୪ ଘଂଟାରେ ଭୁବନେଶ୍ୱରରେ ୧୯୩ ମିିମି ବର୍ଷା ରେକର୍ଡ଼ ହୋଇଛି । ୧ ସେପ୍ଟମ୍ବର ୨୦୧୪ରେ ୨୪ ଘଂଟାରେ ୧୧୬ ମିମି ବର୍ଷା ରେକର୍ଡ଼ ହୋଇଥିଲା । ୨୫ ସେପ୍ଟମ୍ବର ୨୦୧୯ରେ ୨୪ ଘଂଟାରେ ୧୨୬ ମିମି ବର୍ଷା ରେକର୍ଡ଼ ହୋଇଥିଲା