ସୁନାର ଫସଲକୁ ନଷ୍ଟ କଲା ପୋକ ! ନୂଆପଡାର ସିନାପାଲ୍ଲୀ ଅଞ୍ଚଳରେ ଚକଡା ପୋକ ଆତଙ୍କ , ଏକର ଏକର ଜମିରେ ଫସଲ ନଷ୍ଟ, ଫସଲ ପୋଡିଲେ ଚାଷୀ
ନୂଆପଡାରେ ଏ ବର୍ଷ ସୁନାର ଫସଲକୁ ନଷ୍ଟ କରିଦେଇଛି ଚକଡା ପୋକ । ଜିଲ୍ଲାର ସିନାପାଲି , କୋମନା ବ୍ଲକର ଶହ ଶହ ଏକର ଚାଷଜମିକୁ କବଜା କରିନେଇଛି ପୋକ । ଆଉ ଏହି ଫସଲକୁ ଫୋଡିଦେଇଛନ୍ତି ଚାଷୀ । ଏ ବର୍ଷ ଝାଳବୁହା ପରିଶ୍ରମ କରି ଚାଷୀ ଧାନଚାଷ କରିଥିଲେ । କିନ୍ତୁ ଚକଡା ପୋକ ଚାଷକୁ ନଷ୍ଟ କରିଦେବା ପରେ ଋଣ କେମିତି ସୁଝା ହେବ ସେ ନେଇ ଚିନ୍ତାରେ ଅଛନ୍ତି ଚାଷୀ ।
Kanak News is now on WhatsApp
Join and get latest news updates delivered to you via WhatsApp
ଚକଡା ରୋଗ ପ୍ରଭାବିତ ଧାନ ଫସଲକୁ ବାରମ୍ବାର କୀଟନାଶକ ଔଷଧ ସିଞ୍ଚନ କଲାପରେ ବି କିଛି କାମ କରିନଥିଲା । ବିଶେଷକରି ସିନାପାଲ୍ଲୀ ବ୍ଲକର ମାଲପଡା ଓ ଗୋବିନ୍ଦପୁର ଗାଁର ଚାଷ ଜମି ଉପରେ ଏହାର ଅଧିକ ପ୍ରଭାବ ପଡିଥିଲା । ଧାନ ଫସଲ ସଂପୂର୍ଣ୍ଣ ନଷ୍ଟ ହେବା ପରେ ନିରାଶ ହୋଇ ଫସଲକୁ ପୋଡିଛନ୍ତି ଲୋକେ ।