ସାତକୋଶିଆରେ ଘଡିଆଳ କୁମ୍ଭୀର : ନନ୍ଦନକାନନ ପ୍ରାଣୀ ଉଦ୍ୟାନରୁ ଆଣି ଛଡାଗଲା ଘଡିଆଳ କୁମ୍ଭୀର
କନକ ବ୍ୟୁରୋ : ନନ୍ଦନକାନନ ପ୍ରାଣୀ ଉଦ୍ୟାନରୁ ଆଣି ୬ଟି ଘଡିଆଳ କୁମ୍ଭୀର ଅନୁଗୁଳ ଜିଲ୍ଲା ସାତକୋଶିଆ ମହାନଦୀ ଗଣ୍ଡରେ ଛଡାଯାଇଛି । ସେମାନଙ୍କ ଗତିବିଧିକୁ ନୀରିକ୍ଷଣ କରିବା ପାଇଁ ଦେହରେ ଲଗାଯାଇଛି ଟ୍ରାନ୍ସମିଟର । ଏହି ଘଡିଆଳଙ୍କ ଭିତରେ ୩ଟି ମାଈ ଓ ୩ଟି ଅଣ୍ଡିରା କୁମ୍ଭୀର ଅଛନ୍ତି । ଏଗୁଡିକର ଲମ୍ବ ୨.୩ ମିଟରରୁ ୩,୩ ମିଟର ରହିଛି । ନନ୍ଦନକାନନ ପ୍ରାଣୀ ଉଦ୍ୟାନରେ ଏହି ଘଡିଆଳ କୁମ୍ଭୀରଙ୍କ ଦେହରେ ଟ୍ରାନ୍ସମିଟର ଲଗାଇ ଗତ ୨୦୧୯ ଜୁଲାଇ ୨୦ରୁ ଅନୁଧ୍ୟାନ କରାଯାଉଥିଲା ।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ୧୫ ମାସ ଧରି କମ୍ଭୀରଗୁଡିକର ବଂଚିବାର ଶୈଳୀକୁ ଅନୁଧ୍ୟା କରିବା ପରେ ନନ୍ଦନକାନନରୁ ଆଣି ସାତକୋଶିଆରେ ଛଡାଯାଇଛି । ମହାନଦୀ ଗଣ୍ଡର ୧୦ କିଲୋମିଟର ପରିଧିରେ ମାଛ ମାରିବା ଉପରେ କଟକଣା ଲଗାଯାଇଥିବାବେଳେ ସେହି ସ୍ଥାନରେ କୁମ୍ଭୀର ଗୁଡିକୁ ଛାଡି ଦିଆଯାଇଛି । ପୂର୍ବରୁ ମଧ୍ୟ ଏଠାରେ ୬ଟି ଘଡିଆଳ ଛଡା ଯାଇଥିବାବେଳେ ବନ୍ୟା ଓ ଉପଯୁକ୍ତ ସୁରକ୍ଷା ଅଭାବରୁ ସେଗୁଡିକ ମହାନଦୀରେ କେଉଁଆଡେ ନିଖୋଜ ହୋଇଯାଇଥିଲେ । ଏବେ ପୁଣିଥରେ ୬ଟି କୁମ୍ଭୀର ଛାଡି ଏଗୁଡିକର ବଂଶ ବିସ୍ତାର ଉପରେ ନଜର ରଖିବ ବନ ବିଭାଗ ।