ବ୍ରହ୍ମପୁର ପୋଲିସର ଗୁଣ୍ଡା ପରେଡ ! ସମାଜର ମୁଖ୍ୟ ସ୍ରୋତରେ ସାମିଲ ହେବା ପାଇଁ ୮୬ ଜଣ ଅପରାଧୀଙ୍କୁ ଡାକି କଲେ ସଚେତନ
କନକ ବ୍ୟୁରୋ : ଅପରାଧୀଙ୍କୁ ଅପରାଧ ରାସ୍ତାରୁ ଫେରାଇ ଆଣିବା ପାଇଁ ବ୍ରହ୍ମପୁର ପୋଲିସର ନିଆରା ଉଦ୍ୟମ । ଅପରାଧରୁ ଦୂରେଇ ରହି ସମାଜର ମୁଖ୍ୟ ସ୍ରୋତରେ ସାମିଲ କରିବା ପାଇଁ ପୁଲିସ ଆରମ୍ଭ କରିଛି ଏହି ପ୍ରୟାସ । ବ୍ରହ୍ମପୁର ସହରର ସମସ୍ତ ଥାନାରେ ଗୁଣ୍ଡା ପରେଡର ଆୟୋଜନ କରିଥିଲା ପୁଲିସ । ଯେଉଁ ଅଭିଯୁକ୍ତମାନେ ଅପରାଧିକ ମାମଲାରେ ଯୋଡ଼ି ହୋଇ ରହିଛନ୍ତି । ସେମାନଙ୍କୁ ଥାନାକୁ ଡ଼ାକି କ୍ରାଇମରୁ କିଭଳି ଦୂରରେ ରହିବେ ଓ ସମାଜର ମୁଖ୍ୟସ୍ରୋତକୁ ଫେରିବେ ସଚେତନ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଆଜି ସହରର ୮୬ ଜଣ ଅପରାଧୀ ଏଥିରେ ଏହି ପରେଡରେ ସାମିଲ ହୋଇଥିଲେ । ସହରର ସମସ୍ତ ଥାନାରେ ଏହି ପରେଡ କରାଯାଇଥିଲା । ଯେଉଁମାନେ ବେଲ ପାଇ ବାହାରେ ଅଛନ୍ତି ସେହିମାନଙ୍କୁ ଡକାଯାଇ ପୋଲିସ ପକ୍ଷରୁ ପରେଡ କରାଯାଇଛି । ପ୍ରତି ସପ୍ତାହରେ ଏହି ପରେଡ ହେବ ବୋଲି ପୋଲିସ ପକ୍ଷରୁ କୁହାଯାଇଛି । ଅପରାଧୀ ମାନେ ଅପରାଧରୁ ନିବୃତ ରହି କିପରି ସମାଜର ମୁଖ୍ୟ ସ୍ରୋତରେ ସାମିଲ ହେବେ ସେନେଇ ଏକ ଭିନ୍ନ ପ୍ରୟାସ କରାଯାଇଛି ।