‘ଥାର୍’ ଚାଳକଙ୍କ ଲାଇସେନ୍ସ ହେବ ରଦ୍ଦ :  ପରିବହନ ବିଭାଗ ନେବ କଠୋର ପଦକ୍ଷେପ

କନକ ବ୍ୟୁରୋ : ଭୁବନେଶ୍ବର ଥାର୍ ହିଟ୍ ଆଣ୍ଡ୍ ରନ୍ ମାମଲା, ଥାର ଚାଳକଙ୍କ ଲାଇସେନ୍ସ ରଦ୍ଦ କରାଯିବ । ଏଭଳି ଏକ କଠୋର ପଦକ୍ଷେପ ନେବ ପରିବହନ ବିଭାଗ । ଲାଇସେନ୍ସ ରଦ୍ଦ ନେଇ ଆର୍‌ଟିଓ-୨ ଦେଲେ ସୂଚନା । 

ତେବେ ହିଟ୍ ଆଣ୍ଡ ରନ୍ ମାମଲାରେ ଫସିଥିବା ଥାର୍ ଗାଡ଼ିଟି ଜଟଣୀ ଅଞ୍ଚଳର ହୋଇଥିବା ସୂଚନାରୁ ଜଣାପଡ଼ିଛି । ଗତକାଲି ଥାର୍ ଧକ୍କାରେ ୨ଜଣଙ୍କ ଜୀବନ ଚାଲିଯାଇଥିଲା । ୮ବର୍ଷର ଜଣେ ନାବାଳିକାଙ୍କ ଜୀବନ ଯାଇଥିବା ବେଳେ, ତାଙ୍କ ମାଆଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ହସ୍ପିଟାଲରେ ଚିକିତ୍ସିତ ଅବସ୍ଥାରେ ତାଙ୍କର ବି ଜୀବନ ଚାଲିଯାଇଛି । ଏହି ଘଟଣାକୁ ନେଇ ଉତ୍ତେଜନା ବି ବଢ଼ିଥିଲା । ଗତକାଲି ମୃତକଙ୍କ ପରିବାର ଲୋକ ଟାୟାର ଜାଳି ରାସ୍ତା ରୋକ କରିବା ସହ ପ୍ରତିବାଦ କରିଥିଲେ । ପୁଲିସ ପ୍ରଶାସନର ବୁଝାସୁଝା ପରେ ରାସ୍ତାରୋକ ହଟିଥିଲା । ଆଉ ଏହି ସେହି ଥାର୍ ଗାଡ଼ି ଚାଳକଙ୍କ ବାବଦରେ ଅଧିକ ସୂଚନା ଆସିଛି । ଦୁର୍ଘଟଣା ଘଟାଇଥିବା ଥାର୍‌ଟି ଜଟଣୀ ଅଞ୍ଚଳର ହୋଇଥିବା ସୂଚନା ମିଳିଥିବା ବେଳେ ଏବେ ବି ଅଭିଯୁକ୍ତ ଫେରାର ରହିଛି ।