କନକ ବ୍ୟୁରୋ: ପ୍ରବର୍ତ୍ତନ ନିର୍ଦ୍ଦେଶାଳୟ ଇଡି ଏକ ହାଇପ୍ରୋଫାଇଲ୍ ମନି ଲଣ୍ଡରିଂ ମାମଲାରେ ଇନଷ୍ଟାଗ୍ରାମ କ୍ବିନ୍ ସନ୍ଦୀପା ଭିର୍କଙ୍କୁ ଗିରଫ କରିଛି। ଏହି ମାମଲା ରିଲାଏନ୍ସ କ୍ୟାପିଟାଲ ସହ ପାଣ୍ଠି ସ୍ଥାନାନ୍ତର ସହିତ ଜଡ଼ିତ। ପଞ୍ଜାବ ପୁଲିସର ଏଫଆଇଆର ଉପରେ ଇଡି କାର୍ଯ୍ୟାନୁଷ୍ଠାନ ଗ୍ରହଣ କରିଛି । 

Advertisment

ସନ୍ଦୀପା ଭିର୍କ, ଜଣେ ଲୋକପ୍ରିୟ ଇନଷ୍ଟାଗ୍ରାମ ଇନଫ୍ଲ୍ୟୁଏନସର ତଥା ଅଭିନେତ୍ରୀ ଓ କସ୍ମେଟୋଲୋଜିଷ୍ଟ, ଏନଫୋର୍ସମେଣ୍ଟ ଡିରେକ୍ଟୋରେଟ ବା ଇଡି ଦ୍ଵାରା ମନି ଲଣ୍ଡରିଂ ମାମଲାରେ ଗିରଫ ହୋଇଛନ୍ତି । ୪୦ କୋଟି ଟଙ୍କାର ମନି ଲଣ୍ଡରିଂ ମାମଲାରେ ଇଡି ଦ୍ୱାରା ସନ୍ଦିପା ଭିର୍କଙ୍କୁ ଗିରଫ କରାଯାଇଛି । ତାଙ୍କ ଉପରେ ମିଥ୍ୟା ବାହାନାରେ ଲୋକଙ୍କଠାରୁ ଟଙ୍କା ଆଦାୟ କରିବାର ଅଭିଯୋଗ ରହିଛି । ସନ୍ଦୀପାଙ୍କ ୧.୨ ମିଲିୟନ ଫଲୋଅର୍ସ ଥିବା ଇନଷ୍ଟାଗ୍ରାମ ଆକାଉଣ୍ଟରେ ସେ ନିଜକୁ ଜଣେ ଉଦ୍ୟୋଗୀ ଏବଂ ହାଇବୋ କେୟାର ଡଟ୍‌ କମ୍ ନାମକ ସ୍କିନକେୟାର ୱେବ୍‌ସାଇଟର ପ୍ରତିଷ୍ଠାତା ବୋଲି ଦାବି କରନ୍ତି। ଇଡି ଅଭିଯୋଗ କରିଛି ,ଏହି ୱେବସାଇଟ ମନି ଲଣ୍ଡରିଂରେ ଜଡ଼ିତ ଥିଲା ଏବଂ ଏହି ୱେବସାଇଟ ସ୍ଥିତିହୀନ ଥିଲା । ସନ୍ଦୀପାଙ୍କ ସହ ରିଲାଏନ୍ସ ଗ୍ରୁପ୍‌ର ଜଣେ ପୂର୍ବତନ ନିର୍ଦ୍ଦେଶକ ଆଙ୍ଗାରାଇ ନଟରାଜନ ସେତୁରାମନଙ୍କ ସମ୍ପର୍କ ମଧ୍ୟ ତଦନ୍ତ ଅଧୀନରେ ରହିଛି । ପଞ୍ଜାବ ପୁଲିସର ଏକ ଏଫଆଇଆର ଆଧାରରେ ଏହି ମାମଲା ଆରମ୍ଭ ହୋଇଛି । ଦିଲ୍ଲୀ ଓ ମୁମ୍ବାଇରେ ସନ୍ଦୀପା ଓ ତାଙ୍କ ସହଯୋଗୀଙ୍କ ଘରେ ଇଡି ତଲାସି କରି ଅନେକ ଗୁରୁତ୍ଵପୂର୍ଣ୍ଣ ଦଲିଲ ଜବତ କରିଛି । ସନ୍ଦୀପାଙ୍କୁ ୧୪ ଅଗଷ୍ଟ ପର୍ଯ୍ୟନ୍ତ ଇଡି ହେପାଜତରେ ରଖାଯାଇଛି ।

କାହିଁକି ଗିରଫ ହେଲେ ସନ୍ଦୀପା?

ମିଥ୍ୟା ଦାବି ସହ ନକଲି ସୌନ୍ଦର୍ଯ୍ୟ ଉତ୍ପାଦ ବିକ୍ରି କରି ଲୋକଙ୍କୁ ଠକିବା
ହାଇବୋ କେୟାର ଡଟ୍‌ କମ୍ ୱେବ୍‌ସାଇଟ୍‌କୁ ମନି ଲଣ୍ଡ୍ରିଂ ମାଧ୍ୟମ ଭାବେ ବ୍ୟବହାର
ଏଫ୍‌ଡିଏ ଅନୁମୋଦନର ମିଥ୍ୟା ଦାବି କରି ଉତ୍ପାଦର ମୂଲ୍ୟ ବଢ଼ାଇବା
ୱେବ୍‌ସାଇଟ୍‌ରେ ସୀମିତ ଉତ୍ପାଦ ଓ ଅସ୍ପଷ୍ଟ ସୂଚନା ଦେବା
ଅନୁପଯୁକ୍ତ ପେମେଣ୍ଟ ଗେଟ୍‌ୱେ ଓ ନିଷ୍କ୍ରିୟ ଯୋଗାଯୋଗ ନମ୍ବର

ରିଲାଏନ୍ସ କମର୍ସିଆଲ ଫାଇନାନ୍ସରୁ ୧୮ କୋଟି ଟଙ୍କାର ଋଣ ନିୟମକୁ ଉଲ୍ଲଙ୍ଘନ ଏଜେନ୍ସି କହିଛି ଯେ ଏକ ସ୍ୱତନ୍ତ୍ର କୋର୍ଟ ସନ୍ଦୀପାଙ୍କୁ ଅଗଷ୍ଟ ୧୪ ପର୍ଯ୍ୟନ୍ତ ଇଡିର ହେପାଜତକୁ ପଠାଯାଇଛି । ଏଜେନ୍ସି ଏକ ବିବୃତିରେ କହିଛି ଯେ ମହିଳା ଜଣକ ପୂର୍ବତନ ରିଲାଏନ୍ସ କ୍ୟାପିଟାଲ ଲିମିଟେଡର ପୂର୍ବତନ ନିର୍ଦ୍ଦେଶକ ସେଥୁରାମନଙ୍କ ସହିତ ମଧ୍ୟ ସମ୍ପର୍କରେ ଥିଲେ । ସେଥୁରାମନ୍ ଅଭିଯୋଗଗୁଡ଼ିକୁ ଅସ୍ୱୀକାର କରିଛନ୍ତି, କହିଛନ୍ତି ଯେ ଗୃହ ଋଣ ଉପଯୁକ୍ତ ବନ୍ଧକ ସହିତ ଉପଯୁକ୍ତ ପ୍ରକ୍ରିୟା ଅନୁସରଣ କରି ମଞ୍ଜୁର କରାଯାଇଥିଲା ଏବଂ ଭିର୍କଙ୍କ ସହ ସମ୍ପର୍କ କିମ୍ବା ସମ୍ପୃକ୍ତି ନାହିଁ ।