କନକ ବ୍ୟୁରୋ : ଇସ୍ପାତ୍‌ ସହରରେ କିଏ ଅର୍ଡର୍ କରିଥିଲେ ବେଆଇନ ବନ୍ଧୁକ । କେଉଁ ଉଦ୍ଦେଶ୍ୟରେ ବ୍ୟବହାର ହୋଇଥାନ୍ତା ଏହି ମାରାତ୍ମକ ହତିଆର । କାହାର ଜୀବନ ନେବା ପାଇଁ ହୋଇଥିଲା କି ଡିଲ୍‌? ରାଉରକେଲା ପ୍ଲାଣ୍ଟ ସାଇଟ୍‌ ଥାନା ରିମ୍‌ଝିମ୍ ବସ୍ତିର ଜଣେ ବିହାରୀ ଯୁବକଠୁ ୧୦ ଟି ବନ୍ଧୁକ ସହ ୬ ରାଉଣ୍ଡ୍‌ ଜୀବନ୍ତ ଗୁଳି ଜବତ ହେବା ପରେ ସହରରେ ଚାଞ୍ଚଲ୍ୟ ଖେଳିଯାଇଛି । ମାତ୍ର ୮ ରୁ ୧୦ ହଜାର ଭିତରେ ହାତପାହାନ୍ତାରେ ମିଳିଯାଉଛି ଏହି ବେଆଇନ ବନ୍ଧୁକ । ରାକେଟରେ ସହରର କିଏ କିଏ ସଂପୃକ୍ତ ଅଛନ୍ତି ତାକୁ ନେଇ ଖୋଳତାଡ଼ କରୁଛି ପୁଲିସ  l 

Advertisment

ବନ୍ଧୁକ ଚୋରାଚାଲାଣ ରାକେଟ୍‌ ବିହାର ମୁଙ୍ଗେରୁ ଅପରେଟ୍‌ ହେଉଥିବା ବେଳେ କିଙ୍ଗ୍‌ପିନ୍‌କୁ ଧରିବାରେ ସଫଳ ହୋଇଛି ପୁଲିସ l ଗତ ଅକ୍ଟୋବର ୨୦୨୪ ରୁ ଏ ଯାଏଁ ୧୩ଟି ମାମଲାରେ ମୋଟ ୫୨ ଜଣ ଅଭିଯୁକ୍ତକୁ ଧରିଛି ପୁଲିସ l ସେହିପରି ବେଆଇନ୍ ବନ୍ଧୁକ କାରବାରରେ ମୋଟ ୨୭ଟି ବନ୍ଧୁକ ଜବତ କରିଛି ପୁଲିସ l ତେବେ ଝାଡ଼ଖଣ୍ଡ ଓ ବିହାରରେ ବନ୍ଧୁକ ତିଆରି ହୋଇ ଓଡ଼ିଶାକୁ ଆସୁଛି l ପୁଲିସ ଚେର ପାଖରେ ପହଞ୍ଚି ଏହି ଚୋରା ସିଣ୍ଡିକେଟ୍‌ ପାଖରେ ପହଞ୍ଚି ବ୍ରେକ ଦେବାର ଆବଶ୍ୟକତା ରହିଛି l