ପୁରୀରେ ଫୁଟିଲା ବୋମା, ଫେରାର ୩ ଦୁର୍ବୃତ୍ତ

କନକ ବ୍ୟୁରୋ : ପୁରୀରେ ଫୁଟିଲା ବୋମା । ମୋଚି ସାହି ଛକ ନିକଟରେ ବୋମାମାଡ଼ ହୋଇଛି । ନୂଆ ତୋଟା ଜାଗା ଘର ନିକଟରେ ଏହି ବୋମା ମାଡ଼ ହୋଇଛ । ଗୋଟିଏ ବାଇକ୍ ଯୋଗେ ୩ ଦୁର୍ବୃତ୍ତ ଆସି ବୋମାମାଡ କରି ଫେରାର ହୋଇଯାଇଛନ୍ତି । ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ବୋମା ମାଡ ହୋଇଥିବା କୁହାଯାଉଛି । ଘଟଣା ସ୍ଥଳରେ ଟାଉନ୍ ଥାନା ପୁଲିସ ଛାନ ଭିନ୍ ଆରମ୍ଭ କରିଛି ।

ପୁରୀରେ ଦିନକୁ ଦିନ ବଢ଼ିଚାଲିଛି ଅପରାଧ । ସଂଧ୍ୟା ହେଲେ ଜମୁଛି ନିଶାଡ଼ିଙ୍କ ଆସର । କେଉଁଠି ଗଣ୍ଡଗୋଳ, କେଉଁଠି ମାରପିଟ୍‌ ତ ଆଉ କେଉଁଠି ଗୁଳି ଓ ବୋମା ଫୁଟୁଛି । ଦେଶ ବିଦେଶରୁ ପୁରୀକୁ ପର୍ଯ୍ୟଟକମାନେ ଧାଇଁଆସୁଥିବା ବେଳେ ବଢ଼ୁଥିବା ଅପରାଧ ପାଇଁ କେହି ନିଜକୁ ଏଠାରେ ସୁରକ୍ଷିତ ମନେକରୁନାହାନ୍ତି । ତେଣୁ ସରକାରଙ୍କୁ ଏ ଦିଗ ଉପରେ ଦୃଷ୍ଟି ଦେବାକୁ ପଡ଼ିବ । ପୁଲିସ ପ୍ରଶାସନ କଡ଼ାକଡ଼ି ହେବାକୁ ପଡ଼ିବ । ନଚେତ ଆଗାମୀ ଦିନରେ ପୁରୀ ଏକ ଅଶାନ୍ତ ସହରରେ ପରିଣତ ହୋଇପାରେ ।