କନକ ବ୍ୟୁରୋ : କୋରାପୁଟ ନାବାଳିକା ଗଣଦୁଷ୍କର୍ମ ମାମଲାର ତଦନ୍ତ ପାଇଁ ଘଟଣାସ୍ଥଳରେ ପହଂଚିଛି କ୍ରାଇମବ୍ରାଞ୍ଚର ୫ଜଣିଆ ଟିମ୍ । ତଦନ୍ତକୁ ତ୍ୱରାନ୍ୱିତ କରିବା ପାଇଁ ଏକାଧିକ ଟିମ୍ ଗଠନ କରାଯାଇଛି । ପୀଡିତାଙ୍କ ବୟାନ ରେକର୍ଡ କରାଯିବା ନେଇ ମନିଟରିଂ କରାଯାଉଥିବା କୋରାପୁଟ ଏସପି ସୂଚନା ଦେଇଛନ୍ତି । ଘଟଣାରେ ସଂପୃକ୍ତ ଥିବା କୌଣସି ଅଭିଯୁକ୍ତଙ୍କୁ ଛଡାଯିବନି ବୋଲି ଏସପି ପ୍ରେସମିଟରେ ସୂଚନା ଦେଇଛନ୍ତି । ତଦନ୍ତର ସ୍ୱଚ୍ଛତା ରକ୍ଷା କରାଯାଉଥିବା ଏସପି କହିଛନ୍ତି । ସେପଟେ କୋରାପୁଟ ଡାକ୍ତରଖାନାରେ ପୀଡିତାଙ୍କ ଚିକିତ୍ସା ଜାରି ରହିଛି । ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟରେ କୋରାପୁଟ ନାବାଳିକା ଗଣଦୁଷ୍କର୍ମ ଘଟଣାରେ କୁନ୍ଦୁଲିଠାରେ ଚାଲିଥିବା ୩୩ ଘଂଟାର ରାସ୍ତାରୋକ ଗତକାଲି ରାତିରେ ପ୍ରତ୍ୟାହୃତ ହୋଇଛି । କ୍ରାଇମବ୍ରାଂଚ ଓ ଜିଲ୍ଲାପାଳଙ୍କ ସହ ଆଲୋଚନା ପରେ ଆନ୍ଦୋଳନକାରୀମାନେ ରାସ୍ତାରୋକରୁ ହଟିଛନ୍ତି । ଫଳରେ ଗାଡି ଚଳାଚଳ ସ୍ୱାଭାବିକ ହୋଇଛି । ଜୟପୁର-ବିଶାଖାପାଟଣା ମଧ୍ୟରେ ଗାଡି ଚଳାଚଳ ଆରମ୍ଭ ହୋଇଛି । ନାବାଳିକା ଗଣଦୁଷ୍କର୍ମ ମାମଲାରେ ଦୋଷୀଙ୍କୁ ଗିରଫ ଦାବିରେ ଏହି ରାସ୍ତାରୋକ ଚାଲିଥିଲା । ଫଳରେ ଏନଏଚରେ ଶହ ଶହ ଗାଡି ଅଟକି ରହିଥିଲା । ଗତକାଲି ରାତିରେ ଜିଲ୍ଲାପାଳ ତଦନ୍ତ ରିପୋର୍ଟ ମିଳିବା ପରେ କାର୍ଯ୍ୟାନୁଷ୍ଠାନ ହେବ ବୋଲି ପ୍ରତିଶ୍ରୃତି ଦେଇଥିଲେ । ଏହା ପରେ ରାସ୍ତାରୋକ ହଟିଥିଲା ।