କନକ ବ୍ୟୁରୋ: ବଲିଉଡ ସୁପରଷ୍ଟାର ସଲମାନ ଖାନଙ୍କ ଘର ଉପରକୁ ଗୁଳିମାଡ଼ ଘଟଣାରେ ୨ଅଭିଯୁକ୍ତ ଗିରଫ । ସୋମବାର ବିଳମ୍ବିତ ରାତି ଗୁଜରାଟ ଭୁଜରୁ ୨ଅଭିଯୁକ୍ତଙ୍କୁ ଗିରଫ କରିଛି ମୁମ୍ବାଇ କ୍ରାଇମବ୍ରାଞ୍ଚ । ଗିରଫ ଅଭିଯୁକ୍ତ ଦୁଇ ଜଣ ବିହାରର ୨୪ବର୍ଷୀୟ ବିକି ଗୁପ୍ତା ଓ ୨୧ବର୍ଷୀୟ ସାଗର ପାଲ ବୋଲି ମୁମ୍ବାଇ କ୍ରାଇମବ୍ରାଞ୍ଚ ସୂଚନା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରାଥମିକ ତଦନ୍ତରୁ ମିଳିଥିବା ସୂଚନା ଅନୁସାରେ, ମୋଟା ଅଙ୍କର ଟଙ୍କା ନେଇ ସଲମାନ ଖାନଙ୍କ ଘର ଉପରକୁ ଗୁଳି କରିବା ପାଇଁ ଯାଇଥିଲେ ଦୁଇ ଅଭିଯୁକ୍ତ । ସୋମବାର ଭୋରରୁ ସଲମାନ ଖାନଙ୍କ ଘର ଉପରକୁ ଅନ୍ଧାଧୁନ ଗୁଳି ଚାଳନା କରିଥିଲେ ବିକି ଗୁପ୍ତା ଓ ସାଗର ପାଲ । ତେବେ ଭୟର ବାତାବରଣ ସୃଷ୍ଟି କରିବା ପାଇଁ ଏପରି କରିଥିବା ପ୍ରାଥମିକ ତଦନ୍ତରୁ ଜଣାପଡ଼ିଥିବା ପୁଲିସ କହିଛି । ରବିବାର ଭୋରରୁ ସଲମାନ ଖାନଙ୍କ ଘର ଉପରକୁ ୪ରାଉଣ୍ଡ ଗୁଳି ମାଡ଼ କରିବା ପରେ ସେଠାରୁ ଫେରାର ହୋଇଯାଇଥିଲେ ଦୁଇ ଅଭିଯୁକ୍ତ । ଉଭୟ ଅଭିଯୁକ୍ତ ଫେରାର ହେବା ବେଳକୁ ସିସିଟିଭି ତାଙ୍କୁ କଏଦ କରିଥିଲା । ସିସିଟିଭି ଭିଜୁଆଲ ଜାରି କରିଥିଲା ପୁଲିସ । ପରେ ତାଙ୍କୁ ଗୁଜରାଟ ଭୁଜରୁ ଗିରଫ କରାଯାଇଛି ।