ଟି-୨୦ ବିଶ୍ୱକପକୁ ନେଇ ସେନ୍ ୱାର୍ଣ୍ଣଙ୍କ ବଡ ଭବିଷ୍ୟତବାଣୀ । କହିଲେ, ବିଶ୍ୱକପ୍ ଫାଇନାଲ ଖେଳିବେ ଏହି ଦଳ…
କନକ ବ୍ୟୁରୋ: ଟି-୨୦ ବିଶ୍ୱକପକୁ ନେଇ ସେନ୍ ୱାର୍ଣ୍ଣଙ୍କ ଭବିଷ୍ୟତବାଣୀ । କେଉଁ ଦଳ ଟି-୨୦ ବିଶ୍ୱକପ ଫାଇନାଲରେ ପହଞ୍ଚିବ ସେନେଇ ଭବିଷ୍ୟତବାଣୀ କରିଛନ୍ତି ଅଷ୍ଟ୍ରେଲିଆର ଏହି ପୁରୁଖା କ୍ରିକେଟର । ତେବେ ଦୁନିଆର ଯେକୌଣସି ଟୁର୍ଣ୍ଣାମେଣ୍ଟ ହେଉନା କାହିଁକି ସେନ୍ ୱାର୍ଣ୍ଣ ଏହାକୁ ନେଇ ଅନେକ ସମୟରେ ଭବିଷ୍ୟତବାଣୀ କରିଥାନ୍ତି । ଅନେକ ସମୟରେ ତାଙ୍କର ଏହି ଭବିଷ୍ୟତବାଣୀ ସତ ମଧ୍ୟ ସାବ୍ୟସ୍ତ ହୋଇଛି । ତେବେ ଶନିବାର ରାତିରେ ସେ ଚଳିତ ଟି-୨୦ ବିଶ୍ୱକପକୁ ନେଇ ଏକ ବଡ ଭବିଷ୍ୟତବାଣୀ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେନ୍ ୱାର୍ଣ୍ଣଙ୍କ ଭବିଷ୍ୟତବାଣୀ ମୁତାବକ, ଗ୍ରୁପ୍ ୧ରୁ ଇଂଲଣ୍ଡ ଟପରେ ରହି ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିବ । ସେହିପରି ଦ୍ୱିତୀୟ ଦଳ ଭାବେ ଅଷ୍ଟ୍ରେଲିଆ ଗ୍ରୁପ୍ ୧ରୁ ସେମିଫାଇନାଲ ଖେଳିବ । ଏହି ଦୁଇ ଦଳ ଗ୍ରୁପ୍ ୧ରୁ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିବେ ବୋଲି ସେନ୍ ୱାର୍ଣ୍ଣ ଭବିଷ୍ୟତବାଣୀ କରିଛନ୍ତି ।
I still believe the teams that will top each group & make it through will look like this, plus semi’s & final…
1.England
2. Australia1.Pakistan
2. IndiaSemi’s
Eng V India
Aust V PakSo final will be either
India V Pak or
Aust V England @SkyCricket @FoxCricket— Shane Warne (@ShaneWarne) October 30, 2021
ଅନ୍ୟପଟେ ଗ୍ରୁପ୍ ୨ରୁ ପାକିସ୍ତାନ ପ୍ରଥମ ସ୍ଥାନରେ ରହି ସେମିଫାଇନାଲ ଖେଳିବ । ଏହା ସହିତ ଟିମ୍ ଇଣ୍ଡିଆ ମଧ୍ୟ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିବ ବୋଲି ୱାର୍ଣ୍ଣ ନିଜ ଭବିଷ୍ୟତବାଣୀରେ ଉଲ୍ଲେଖ କରିଛନ୍ତି । ତେବେ ଏହି ୪ଟି ଟିମ୍ ସେମିଫାଇନାଲକୁ ଯିବା ପରେ ଏଥର ବିଶ୍ୱକପ୍ ଫାଇନାଲରେ ଦର୍ଶକମାନେ ଭାରତ ବନାମ ପାକିସ୍ତାନ କିମ୍ବା ଅଷ୍ଟ୍ରେଲିଆ ବନାମ ଇଂଲଣ୍ଡ ମ୍ୟାଚ୍ ଦେଖିବାକୁ ପାଇବେ ବୋଲି ସେ କହିଛନ୍ତି । ସୂଚନାଯୋଗ୍ୟ ଯେ, ସୁପର ୧୨ ମ୍ୟାଚ୍ ଆରମ୍ଭ ହେବା ପୂର୍ବରୁ ୱାର୍ଣ୍ଣ କହିଥିଲେ, ଟି-୨୦ ବିଶ୍ୱକପ୍ ଚାମ୍ପିୟନ ହେବାକୁ ଭାରତ ଓ ଇଂଲଣ୍ଡ ବଡ ଦାବିଦାର ।