ପାକିସ୍ତାନ ଅଧିନାୟକ ସରଫରାଜଙ୍କ ଖୁଲାସା ! ମଲରେ ପାକିସ୍ତାନୀ ପ୍ରଶଂସକଙ୍କ ଠାରୁ ବେଇଜ୍ଜତ ହେବା ପରେ ଖୁବ୍ କାନ୍ଦିଥିଲେ ପତ୍ନୀ । 

ଭାରତରୁ ଶୋଚନୀୟ ପରାଜୟ ପରେ ପାକିସ୍ତାନ ପ୍ରଶଂସକ ପାକ୍ ଟିମ୍ ପ୍ରତି ନିଜ କ୍ରୋଧ ପ୍ରକାଶ କରୁଛନ୍ତି । ସବୁଠାରୁ ଅଧିକ ଆଲୋଚନା ପାକ୍ ଅଧିନାୟକ ସରଫରାଜ୍ ଅହମ୍ମଦଙ୍କୁ ଉଠାଇବାକୁ ପଡିଛି । ସରଫରାଜଙ୍କୁ କ୍ରିକେଟରେ ଖରାପ ପ୍ରଦର୍ଶନ ସହ ତାଙ୍କ ଫିଟନେସକୁ ନେଇ ମଧ୍ୟ ଟ୍ରୋଲ୍ କରାଯାଇଥିଲା । ଏହି ପ୍ରଶଂସକ ମଧ୍ୟରେ ସରଫରାଜଙ୍କୁ ଜଣେ ପାକିସ୍ତାନୀ ମଲ୍ ଭିିତରେ ତାଙ୍କ ପରିବାର ଥିବା ସମୟରେ ବେଇଜ୍ଜତ କରିଥିଲେ ।

ପାଖରେ ତାଙ୍କର ପୁଅ ଥିବା ସମୟରେ ପ୍ରଶଂସକ ତାଙ୍କୁ ଘୁଷୁରୀ ଭଳି କାହିଁକି ମୋଟା ହୋଇଛ କହିବା ସହ ପାକ୍ ର ନାଁ ଖୁବ୍ ଗର୍ବିତ କଲ ବୋଲି କହିଥିଲେ । ସରଫରାଜ୍ ଉକ୍ତ ଘଟଣାକୁ ସାଧାରଣ ଭାବେ ନେଇଥିଲେ ମଧ୍ୟ ଏହା ଟ୍ୱିଟରରେ ଖୁବ୍ ଭାଇରାଲ୍ ହୋଇଗଲା । ଏହି ଭିଡିଓକୁ ଲକ୍ଷ ଲକ୍ଷ ଲୋକ ଦେଖିବା ସହ ତାଙ୍କ ପତ୍ନୀ ମଧ୍ୟ ଦେଖିଥିଲେ । ହୋଟେଲ୍ ରୁମରେ ପହଚିଂବା ପରେ ପତ୍ନୀଙ୍କୁ କାନ୍ଦୁଥିବାର ଦେଖି ସେ ତାଙ୍କୁ ବୁଝାଇବା ସହ ସାନ୍ତ୍ୱନା ଦେଇ ଚୁପ୍ କରାଇଥିଲେ ।

ଏହି ଭିଡିଓ ପରେ ସରଫରାଜଙ୍କୁ ଲୋକମାନେ ଟ୍ରୋଲ୍ କରିବା ବଦଳରେ ସମର୍ଥନ କରିଥିଲେ ଏବଂ ଉକ୍ତ ସମର୍ଥକ ମଧ୍ୟ ନିଜ ଭୁଲ୍ ବୁଝିପାରି ସରଫରାଜ୍ ଙ୍କୁ  କ୍ଷମା ମାଗିିବା ସହ ଭିଡିଓକୁ ଟ୍ୱିଟରରୁ ଡିଲିଟ୍ କରି ଦେଇଥିଲେ ।