ଇଂଲଣ୍ଡରେ ପହଂଚିଲେ ଋଷଭ ପନ୍ଥ ! ବିଶ୍ୱକପରେ ପାକିସ୍ତାନ ବିପକ୍ଷରେ କ୍ରିକେଟ୍ ଖେଳିବା ପାଇଁ ଇଂଲଣ୍ଡରେ ପହଂଚିଲେ ଖେଳାଳୀ ଋଷଭ ପନ୍ଥ ।

ଆଇସିସି କ୍ରିକେଟ୍ ର ସବୁଠାରୁ ବଡ ମ୍ୟାଚ୍ ଭାରତ ବନାମ ପାକିସ୍ତାନ ପୂର୍ବରୁ ଋଷଭ୍ ପନ୍ଥ ଇଂଲଣ୍ଡରେ ପହଂଚି ଟିମ୍ ଇଣ୍ଡିଆରେ ସାମିଲ୍ ହୋଇଛନ୍ତି । ନିକଟରେ ସୋସିଆଲ୍ ମିଡିଆରେ ଋଷଭଙ୍କ ଏକ ଫଟୋ ଭାଇରାଲ୍ ହେଉଛି । ଏହି ଫଟୋ ଦ୍ୱାରା ସେ ପ୍ରଶଂସକଙ୍କୁ ଜଣାଇଛନ୍ତି ଯେ ସେ ଇଂଲଣ୍ଡରେ ପହଂଚି ସାରିଛନ୍ତି । ବିସିସିଆଇ ପକ୍ଷରୁ ଏହି କଥାର ସ୍ପଷ୍ଟିକରଣ ହୋଇଯାଇଛି ଯେ ବାମ ହାତର ଏହି ବ୍ୟାଟ୍ସମ୍ୟାନଙ୍କୁ ଶିଖର୍ ଧୱନଙ୍କ ବଦଳରେ ନୁହଁ ବରଂ ତାଙ୍କ ସ୍ଥାନ ନ ପୂରଣ ହେବା ପର୍ଯ୍ୟନ୍ତ ଖେଳିବାକୁ ପଡିବ । ତେବେ ଧୱନ କେତେ ଶୀଘ୍ର ନିଜ ଆଘାତରୁ ଉପସମ ହେବେ ସେ ବିଷୟରେ ଏବେ କିଛି କୁହାଯାଇପାରୁ ନାହିଁ ।

ଅଷ୍ଟ୍ରେଲିୟା ବିରୋଧରେ ବିଶ୍ୱକପ୍ ୨୦୧୯ ର ୧୪ ତମ ମ୍ୟାଚରେ ଶିଖର୍ ଧୱନ୍ ଆଘାତ ହୋଇଥିଲେ । ଶିଖରଙ୍କ ବାମ ହାତର ଗୋଟିଏ ଆଙ୍ଗୁଠିରେ ବଲ୍ ବାଜି ଫ୍ୟାକ୍ଚର ହୋଇଯାଇଥିଲା । ଯେଉଁଥିପାଇଁ ତାଙ୍କୁ ଟିମ୍ ରୁ ୩ ସପ୍ତାହ ପାଇଁ ବାହାର କରାଯାଇଛି । ଯାହା ପରେ ଋଷଭ୍ ପନ୍ଥଙ୍କୁ ଟିମରେ ସାମିଲ୍ କରିବା କଥା କୁହାଯାଇଥିଲା ।