କନକ ବ୍ୟୁରୋ: ଆଇପିଏଲକୁ ନେଇ ଆସିଲା ବଡ ଖବର । ସନରାଇଜର୍ସ ହାଇଦ୍ରାବାଦ ଦଳ ଛାଡିଲେ ଅଷ୍ଟ୍ରେଲିଆର ବିସ୍ଫୋରକ ବ୍ୟାଟ୍ସମ୍ୟାନ୍ ଡେଭିଡ୍ ୱାର୍ଣ୍ଣର । ଏଥିସହିତ ସେ ଆଗାମୀ ଆଇପିଏଲ ଖେଳାଳି ନିଲାମ ପ୍ରକ୍ରିୟାରେ ଭାଗ ନେବାକୁ ଯାଉଥିବା ସୂଚନା ଦେଇଛନ୍ତି । ଅନ୍ୟପଟେ ଆଗାମୀ ଆଇପିଏଲରେ ଡେଭିଡ୍ ୱାର୍ଣ୍ଣରଙ୍କୁ ନୂଆ ଦଳ ସହ ଦେଖିବାକୁ ମିଳିପାରେ ବୋଲି ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ସେନ୍ ରେଡିଓ ସହ ଏକ ଇଣ୍ଟରଭ୍ୟୁରେ ୱାର୍ଣ୍ଣର କହିଛନ୍ତି, ଦଳ ତାଙ୍କର ସାଥ୍ ଛାଡିଦେଲା ତେଣୁ ସେ ତାଙ୍କର ନାଁ ନିଲାମରେ ରଖିବାକୁ ଯାଉଛନ୍ତି । ତେବେ ଆଗାମୀ ଖେଳାଳି ନିଲାମ ପ୍ରକ୍ରିୟାରେ ସନରାଇଜର୍ସ ଦଳ ତାଙ୍କୁ ରିଟେନ୍ କରିବା ଭଳି ଲାଗୁନି । ତେଣୁ ସେ କୌଣସି ନୂଆ ଟିମ ସହ ଯୋଡି ହୋଇପାରନ୍ତି ବୋଲି କୁହାଯାଉଛି ।
ସୂଚନାଯୋଗ୍ୟ ଯେ, ହାଇଦ୍ରାବାଦ ଦଳ ୱାର୍ଣ୍ଣରଙ୍କ ନେତୃତ୍ୱରେ ୨୦୧୬ରେ ଆଇପିଏଲ୍ ଟ୍ରଫି ହାତେଇଥିଲା । ଗତ ୮ଟି ସିଜିନ ଧରି ସେ ଦଳ ସହିତ ରହିିଥିଲେ । ହେଲେ ଚଳିତ ଥର ଦଳ ତାଙ୍କୁ କ୍ୟାପଟେନ୍ ପଦରୁ ହଟେଇବା ସହିତ ଚୂଡାନ୍ତ ଏକାଦଶରେ ମଧ୍ୟ ସାମିଲ କରିନଥିଲା । ଦୁବାଇରେ ହୋଇଥିବା ଆଇପିଏଲରେ ସେ ମାତ୍ର ଦୁଇଟି ମ୍ୟାଚ୍ ଖେଳିବାକୁ ସୁଯୋଗ ପାଇଥିଲେ । ଯାହା ପରେ ସେ ଏବେ ସନରାଇଜର୍ସ ଦଳ ଛାଡିବା ନେଇ ନିଷ୍ପତ୍ତି ନେଇଛନ୍ତି ।
ଆସନ୍ତାବର୍ଷଠାରୁ ଆଇପିଏଲରେ ଦୁଇଟି ନୂଆ ଦଳ ସାମିଲ ହେବାକୁ ଯାଉଛନ୍ତି । ତେଣୁ ଏହି ଦୁଇ ଦଳ ଭିତରେ ୱାର୍ଣ୍ଣର ଗୋଟିଏ ଦଳର ନେତୃତ୍ୱ ନେଇପାରନ୍ତି । ଏହି ଦୁଇ ନୂଆ ଦଳ ଭିତରେ କୌଣସି ବି ଦଳ ୱାର୍ଣ୍ଣରଙ୍କୁ ନିଜ ଦଳରେ ସାମିଲ କରିପାରେ । ଖାଲି ସେତିକି ନୁହେଁ ଏଥର ଆଇପିଏଲ ଖେଳାଳି ନିଲାମ ବଡ ଆକାରରେ ହେଉ ଥିବାରୁ ୱାର୍ଣ୍ଣରଙ୍କୁ କିଣିବାକୁ ୧୦ ଦଳ ଭିତରେ ପ୍ରତିଯୋଗିତା ଦେଖିବାକୁ ମିଳିପାରେ ।