ସାରାଦେଶରେ କ୍ରିକେଟ ଫିଭର । ଟିଭି ପରଦାରେ ଅଟକିଛି ସମସ୍ତଙ୍କ ନଜର । ଚା ଖଟିଠୁ ହୋଟେଲ ପର୍ଯ୍ୟନ୍ତ ସବୁଠି ଚାଲିଛି ଚର୍ଚ୍ଚା
କନକ ବ୍ୟୁରୋ: ସାରାଦେଶରେ କ୍ରିକେଟର ଫିଭର । ଗାଁଠୁ ସହର, ସବୁଠି ଦେଖିବାକୁ ମିଳିଥିଲା ଗୋଟିଏ ଦୃଶ୍ୟ । କ୍ରିକେଟ ଖେଳ ଦେଖିବା ପାଇଁ ଟିଭି ଆଗରେ ଲାଗିଥିଲା ଭିଡ । ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଲକ୍ଷ ଲକ୍ଷ ଦର୍ଶକଙ୍କ ସମେତ ଦେଶର କୋଟି କୋଟି କ୍ରିକେଟ ପ୍ରେମୀଙ୍କ ନଜର ଟିଭି ପରଦା ଉପରେ ଅଟକି ଥିଲା । ଆଉ ପ୍ରଥମେ ବ୍ୟାଟିଂ କରି ନ୍ୟୁଜିଲାଣ୍ଡ ଟିମ୍ ଆଗରେ ବିଶାଳ ରନର ଟାର୍ଗେଟ ଦେବା ପରେ ଖୁସିରେ ବିଭୋର ହୋଇ ଉଠିଥିଲେ ଭାରତୀୟ ।
Kanak News is now on WhatsApp
Join and get latest news updates delivered to you via WhatsApp
କେବଳ ଟିଭି ପରଦା ନୁହେଁ ଯିଏ ଯେଉଁଠି ଥିଲେ ବି କ୍ରିକେଟରେ ମସଗୁଲ ଥିଲେ । ଚା ଖଟିରେ ହେଉ କି ଛକ ବଜାରରେ ହାତରେ ଥିବା ମୋବାଇଲରେ ଭାରତ- ନ୍ୟୁଜିଲାଣ୍ଡର ମ୍ୟାଚ ଦେଖୁଥିଲେ କ୍ରିକେଟ ପ୍ରେମୀ । ଆଉ ମଜା ଉଠାଉଥିଲେ । ତେବେ ଆଜି ସକାଳୁ ଆରମ୍ଭ ହୋଇ ଯାଇଥିଲା ଉତ୍ସବର ମାହୋଲ । ଦେଶର ବିଭିନ୍ନ ସ୍ଥାନରେ ଭାରତର ବିଜୟ କାମନା କରି ପୂଜାର୍ଚ୍ଚନା କରାଯାଇଥିଲା । ହୋମ ଯଜ୍ଞ ହୋଇଥିଲା । ଭାରତୀୟ କ୍ରିକେଟ ଟିମର ଜର୍ସି ପିନ୍ଧି ଆଗୁଆ ଉତ୍ସବ ମନାଇଥିଲେ ।