ବାଣ ବିସ୍ଫୋରଣ, ଅଳ୍ପକେ ବର୍ତ୍ତିଲେ ଡାକ୍ତର : ରାସ୍ତାରେ ବାଣ ଶୁଖାଇ ଥିବା ବେଳେ ଚଢିଗଲା ଡାକ୍ତରଙ୍କ ଗାଡି

କନକ ବ୍ୟୁରୋ : ବାଣ ବିସ୍ଫୋରଣରେ ବର୍ତ୍ତିଲେ ଡାକ୍ତର । ରାସ୍ତାରେ ବାଣ ଶୁଖାଇ ଥିବା ବେଳେ ବିସ୍ଫୋରଣ ହୋଇଛି । ଡାକ୍ତରଙ୍କ ଗାଡି ଚଢିଯିବାରୁ ବାଣ ଫୁଟି ଯାଇଥିଲା । ବାଣ ଫୁଟିବାରୁ ଡାକ୍ତରଙ୍କ ଗାଡି କ୍ଷତିଗ୍ରସ୍ତ ହୋଇଛି । ଆହତ ଡାକ୍ତରଙ୍କୁ କେନ୍ଦ୍ରାପଡା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଭରତପୁର ଖଣ୍ଡିଆବନ୍ଧି ଗାଁରେ ଏହି ଅଘଟଣ ଘଟିଛି ।

ସୂଚନାନୁସାରେ, ଭରତପୁର ଖଣ୍ଡିଆ ବନ୍ଧୀ ଗାଁ ରାସ୍ତାରେ ଡାକ୍ତର ସୁଜିତ୍ ସାମଲ ନିଜର ହୋଣ୍ଡା କାର ନେଇ ଯାଉଥିଲେ ।  ରାସ୍ତାରେ ସୁଖା ଯାଇଥିବା ବାଣ ଉପରେ କାର୍ ଚଢିଯିବାରୁ ଭୟଙ୍କର ବିସ୍ଫୋରଣ ହୋଇଥିଲା ।  ଏହି ବିସ୍ଫୋରଣରେ କାରଟି ଭାଙ୍ଗିଯିବା ସହ ନିଆଁ ଲାଗିଯାଇଥିଲା ।  ସ୍ଥାନୀୟ ଲୋକଙ୍କ ସହଯୋଗରେ ଆହତ ଡାକ୍ତରଙ୍କୁ କେନ୍ଦ୍ରାପଡା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ପୋଲିସ ପହଞ୍ଚି ବାଣ ଜବତ କରିଛି । ତେବେ ବାଣ ଶୁଖାଇ ଥିବା ବ୍ୟକ୍ତ ଫେରାର ହୋଯାଇଛନ୍ତି ।