ଆଜିଠାରୁ ରାଜ୍ୟର ସବୁ ସହରରେ ସପ୍ତାହାନ୍ତ ସଟଡାଉନ : ରାଜଧାନୀରେ ଲୋକଙ୍କୁ ନିୟମ ମାନି ଚଳିବାକୁ ସିପିଙ୍କ ଅପିଲ; କଟକରେ ପୋଲିସର ଫ୍ଲାଗମାର୍ଚ୍ଚ
କନକ ବ୍ୟୁରୋ : ଆଜିଠାରୁ ରାଜ୍ୟର ସବୁ ସହରରେ ସପ୍ତାହାନ୍ତ ସଟଡାଉନ । ସୋମବାର ସକାଳ ଯାଏଁ ଦୋକାନ ବଜାର ବନ୍ଦ ରହିବ । କଟକଣାକୁ ଜୋରଦାର କରିବା ପାଇଁ ପୋଲିସ କଡ଼ାକଡ଼ି ଚେକିଂ କରୁଛି । ଆଜି ଓ ଆସନ୍ତାକାଲି ରାଜ୍ୟର ସବୁ ସହରାଂଚଳରେ ସଟଡାଉନ ନିୟମ ଲାଗୁ ରହିବ । ଯାଜପୁର, ଢେଙ୍କାନାଳ, ଜଗତସିଂହପୁର, ନବରଙ୍ଗପୁର, ଫୁଲବାଣୀ, ସୁନ୍ଦରଗଡରେ ସଡଡାଉନ୍ ନିୟମକୁ କଡାକଡି ପାଳନ କରାଯାଇଛି । ବାଲେଶ୍ୱରରେ ମଧ୍ୟ ପୋଲିସ କଡା ଚେକିଂ କରୁଛି । ଏହି କଟକଣାରୁ କେବଳ ଜରୁରୀକାଳୀନ ସେବାକୁ ବାଦ୍ ଦିଆଯାଇଛି । କ୍ଷୀର ଦୋକାନ, ଔଷଧ ଦୋକାନ ଖୋଲା ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ରାଜଧାନୀରେ ସଟଡାଉନ ସମୟରେ ରେଳଷ୍ଟେସନରୁ ମୋ ବସ୍ ଚଳାଚଳ କରିବା ପାଇଁ ଅନୁମତି ରହିଛି । ଏହାସହ ଏୟାରପୋର୍ଟ ଓ ରେଳ ଷ୍ଟେସନ ମଧ୍ୟରେ ବସ୍ ଚଳାଚଳ କରିବ ବୋଲି କୁହାଯାଇଛି । ସେପଟେ ତାଲାବନ୍ଦ ସମୟରେ ରାଜଧାନୀ ବାସୀ ନିୟମ ମାନି ଚଳୁଛନ୍ତି । ଆଗକୁ ଏପରି ସହ ଯୋଗ ଜାରି ରଖିବାକୁ ଅପିଲ କରିଛନ୍ତି ସିପି । ଭୁବନେଶ୍ୱର ସହର ସାରା ପିସିଆର ଭ୍ୟାନ୍ ବୁଲୁଛି, ୧୫୦ ଅଫିସର ବିଭିନ୍ନ ଚେକପୋଷ୍ଟର ଛିଡା ହୋଇଛନ୍ତି । ଭୁଲ କଲେ ଲୋକଙ୍କୁ ବୁଝାଇ ଛାଡି ଦେଉଛୁ ବୋଲି କହିଲେ ପୋଲିସ କମିଶନର ।
କଟକରେ ସପ୍ତାହନ୍ତ ସଟଡାଉନର ପ୍ରଭାବ ଦେଖିବାକୁ ମିଳିଛି । କଟକର ୨୫ ସ୍ଥାନରେ ଲାଗିଛି ନାକା ଲାଗିଥିବା ସୂଚନା ଦେଇଛନ୍ତି କଟକ ଡିସିପି । ୧୬ ପ୍ଲାଟୁନ୍ ଫୋର୍ସ ମୁତୟନ ହୋଇଛନ୍ତି । ସପ୍ତାହନ୍ତ ସଟଡାଉନକୁ କଟକରେ ଲୋକମାନେ ପାଳନ କରୁଛନ୍ତି । ବସ୍ତି ଅଂଚଳରେ ଲୋକଙ୍କୁ ଅଧିକ ସଚେତନ କରିବାକୁ ଗଳି କନ୍ଦିରେ ପୋଲିସ ଫ୍ଲାଗ ମାର୍ଚ୍ଚ କରୁଛି । ଯିଏ ବି ନିୟମ ଭାଙ୍ଗିବ, ତାଙ୍କ ଠାରୁ ଫାଇନ ଆଦାୟ ହେବ । ଗଳି ଗଳି ବୁଲୁଛି ପୋଲିସ ଟିମ୍, ବିନା କାରଣରେ ନ ବାହାରିବାକୁ ପରାମର୍ଶ ଦେଲେ କଟକ ଡିସିପି ।