କଟକ ଆଇଆଇଏଫଏଲ ସୁନା ଲୁଟର ପର୍ଦ୍ଦାଫାସ : ଲୁଟର ମୁଖ୍ୟ ସୂତ୍ରଧର ହେଉଛନ୍ତି ସଂସ୍ଥାର ୨ କର୍ମଚାରୀ; ୪ ଅଭିଯୁକ୍ତ ଅଟକ
୨ କିଲୋରୁ ଅଧିକ ସୁନା ଜବତ; ଲୁଟ ଯୋଜନାବଦ୍ଧ ଥିଲା ବୋଲି କହିଲେ ପୁଲିସ କମିସନର
କନକ ବ୍ୟୁରୋ : କଟକ ନୟାସଡ଼କ ଆଇଆଇଏଫଏଲ ସୁନା ଲୁଟର ପର୍ଦ୍ଦାଫାସ । ୬ ଦିନ ଭିତରେ ପୁଲିସକୁ ଏହି ଘଟଣାରେ ବଡ଼ ସଫଳତା ମିଳିଛି । ଏନେଇ ଆଜି ପ୍ରେସମିଟ କରି ସିପି ସୂଚନା ଦେଇଛନ୍ତି । ଲୁଟର ମୁଖ୍ୟ ସୂତ୍ରଧର ହେଉଛନ୍ତି ଆଇଆଇଏଫଏଲ କର୍ମଚାରୀ । ୨ କର୍ମଚାରୀ ହେଉଛନ୍ତି କିଷାନ ଓ ଲାଲ ଅମ୍ରିତ ରାୟ । ୪ ଜଣ ଅଭିଯୁକ୍ତଙ୍କୁ ଅଟକ ରଖାଯାଇଛି । ୨ କିଲୋରୁ ଅଧିକ ସୁନା ଓ ୨ଟି ବାଇକ ମଧ୍ୟ ଜବତ ହୋଇଛି । ଆଇଆଇଏଫଏଲ ସଂସ୍ଥାର ସିସିଟିଭି କାମ କରୁନଥିଲା । ଏହା ଯୋଜନାବଦ୍ଧ ଥିଲା କିନ୍ତୁ ପ୍ରମାଣ ନଥିଲା ବୋଲି ସିିପି ସୁଧାଂଶୁ ଷଡ଼ଙ୍ଗୀ କହିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଗତ ୧୯ ତାରିଖରେ ସୁନା ଋଣ ସଂସ୍ଥା ଆଇଆଇଏଫଏଲରୁ ପ୍ରାୟ ୨୦ କୋଟି ଟଙ୍କାର ସୁନା ଅଳଙ୍କାର ଲୁଟ ହୋଇଥିଲା । ଲୁଟ ପରେ ପୋଲିସ ୩ଟି ଟିମ୍ ଗଠନ କରି କଟକ ଓ କଟକ ବାହାରେ ଲୁଟେରାଙ୍କୁ ଧରିବା ପାଇଁ ଛାନଭିନ ଚଳାଇଥିଲା । ସେପଟେ ବିଧାନସଭାରେ କଟକ ସୁନା ଲୁଟ ଘଟଣାରେ ଆଜି ଉତର ରଖିଛନ୍ତି ଗୃହ ରାଷ୍ଟ୍ରମନ୍ତ୍ରୀ ଦିବ୍ୟ ଶଙ୍କର ମିଶ୍ର । ରାଜ୍ୟରେ ଆଇନ ଶୃଙ୍ଖଳା ବିପର୍ଯ୍ୟନ୍ତ ହୋଇନି । ଆଇନ ଶୃଙ୍ଖଳା ପରିସ୍ଥିିତି ଶାନ୍ତିପୁର୍ଣ୍ଣ ଓ ନିୟନ୍ତ୍ରଣାଧୀନ ଥିବା ଗୃହରେ ବିବୃତି ରଖିଛନ୍ତି ଦିବ୍ୟଶଙ୍କର ମିଶ୍ର ।