ଏବେ ଆପଣଙ୍କୁ ବିଭିନ୍ନ ପ୍ରଜାତିର ଗାଈକୁ କିଣିବା ପାଇଁ କୈାଣସି ମେଳା, ଗାଈ ମାର୍କେଟ ବା ଅନ୍ୟ ରାଜ୍ୟ ଗୁଡିକୁ ଯିବାକୁ ପଡିବନି । ଆପଣ ଘରେ ବସି ଭଲ କିସମର ଗାଈ-ମଇଁଷିର କିଣା ବିକା କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଓଲଏକ୍ସ ଏବଂ କ୍ୱିକର ଭଳି କେତେକ ସାଇଟରେ ଆପଣଙ୍କୁ ୧୦ ହଜାରରୁ ନେଇ ଲକ୍ଷ ଲକ୍ଷ ଟଙ୍କା ପର୍ଯ୍ୟନ୍ତ ଗାଈ-ମଇଁଷି କିଣା ବିକା କରିପାରିବେ । ଲଖନଉର କୃଷ୍ଣା ନଗରରେ ରହୁଥିବା ଅନିକେତ ବର୍ମା ଗତ ୧୫ ଦିନ ପୂର୍ବରୁ ହିଁ ନିଜର ମଇଁଷିର ମୂଲ୍ୟ ୫୦ ହଜାର ଲଗାଇକି ତାକୁ କ୍ୱିକରରେ ବିକ୍ରି କରିବା ପାଇଁ ଦେଇଛନ୍ତି । ଅନିକେତ କହିଛନ୍ତି କି, ମଇଁଷିକୁ ନେବା ପାଇଁ ବହୁତ ଥର ଫୋନ ବି ଆସିଛି । କିନ୍ତୁ ଏବେ ପର୍ଯ୍ୟନ୍ତ ବିକ୍ରି ହୋଇ ନାହିଁ । ଅନଲାଇନ ବିକ୍ରି କରିବା ସୁବିଧା ଜନକ । ପଶୁଙ୍କୁ ଅନ୍ୟ ସ୍ଥାନକୁ ନେଇ କି ଯିବାକୁ ପଡେନି । ତାହାର ପୁରା ବାୟୋଡାଟା- କେତେ କ୍ଷୀର ଦିଏ ଏବଂ କେଉଁ ପ୍ରଜାତିର ଦିଆଯାଇଛି ।
ଏପର୍ଯ୍ୟନ୍ତ ପଶୁ ପାଳନ ସହିତ ଜଡିତ କୃଷକ ଏହାର କିଣା ବିକା କରିବା ପାଇଁ ପଶୁ ମେଳା ବା ପଶୁ ମାର୍କେଟ ଭଳି ପାରମ୍ପରିକ ମଂଚ ଉପରେ ନିର୍ଭର କରନ୍ତି । କିନ୍ତୁ ଏବେ ସେମାନେ ଘରେ ବସି ତାଙ୍କର କିଣା ବିକା କରିପାରୁଛନ୍ତି । ଅନଲାଇନ୍ ରେ ପଶୁଙ୍କ କିଣାବିକାର ଏହି ଟ୍ରେଣ୍ଡ କେରଳ, ଆନ୍ଧ୍ର ପ୍ରଦେଶ ଏବଂ ପଂଜାବ ଆଦି କେତେକ ରାଜ୍ୟରେ ଦେଖିବାକୁ ମିଳିଛି । ଅଧିକାଂଶ ପଂଜାବ, ହରିୟାଣା, ରାଜସ୍ଥାନରେ ଗାଈ ଏବଂ ମଇଁଷିର ବିକ୍ରି ପ୍ରସ୍ତାବ ଅପଲୋଡ୍ ହେଉଛି ।
ଲଖନଉର ପବନ ଚତୁର୍ବେଦୀ ଅନଲାଇନରେ ଏକ ଗାଈ କିଣିଛନ୍ତି । ସେ ଗତ ମାସରେ ଗୋଟିଏ ଗାଈ କିଣିଥିଲେ, ତା’ପରେ ନିଜ ଗାଈ(ଦେଶୀ ପ୍ରଜାତି) ବିକ୍ରି କରିବା ପାଇଁ ବିଜ୍ଞାପନ ଦେଲେ । ପ୍ରଥମେ ଗାଈ-ମଇଁଷି କିଣିବା ପାଇଁ ଗାଈ ମାର୍କେଟ ଏବଂ ପଶୁ ମେଳା ଯିବାକୁ ପଡୁଥିଲା । ସେଥିରେ ଯଦି କୈାଣସି ଅସୁବିଧା ହୋଇଯାଏ, ତେବେ ମାଲିକ ବି ମିଳୁନଥିଲା । ଅନଲାଇନ କିଣାବିକାରେ ବିକ୍ରି କରୁଥିବା ବ୍ୟକ୍ତିଙ୍କ ନମ୍ବର ବି ରହେ ।