ଗଭୀର ଗାତରେ ଫସିଲା ଗାଈ, ଉଦ୍ଧାର କଲେ ଆଇନଜୀବୀ : ଚନ୍ଦକା ଅଞ୍ଚଳର ଭୋଳା ଗାଁର ଦୃଶ୍ୟ

କନକ ବ୍ୟୁରୋ : ଗଭୀର ଗାତରେ ଫସିଲା ଗାଈ, ଉଦ୍ଧାର କଲେ ଆଇନଜୀବୀ । ଭୁବନେଶ୍ୱର ଉପକଣ୍ଠ ଚନ୍ଦକା ଅଞ୍ଚଳରୁ ଭୋଳା ଗାଁରେ ଦେଖିବାକୁ ମିଳିଥିବା ଅଭାବନୀୟ ଦୃଶ୍ୟ । ଏକ ଘରର ଅଣ୍ଡରଗ୍ରାଉଣ୍ଡ କାର୍ଯ୍ୟ ନିର୍ମାଣ ଚାଲିଥିବା ବେଳେ, ସେହି ବାଟ ଦେଇ ଏକ ଗାଈ ଯାଉଥିବା ବେଳେ ଏହି ଗାତ ଭିତରେ ପଡିଯାଇଥିଲା । ସେହି ବାଟ ଦେଇ ଆଇନଜୀବୀ ଅଙ୍କିତା ଗଙ୍ଗଦେବ ଯାଉଥିବା ବେଳେ ଏହି ଦୃଶ୍ୟକୁ ଦେଖିଥିଲେ ।

ଏହି ଗାତ ଭିତରେ ଆଣ୍ଠୁଏ ଉପରକୁ ପାଣି ଥିବାରୁ ଗାଈକୁ ଉଦ୍ଧାର କରିବାକୁ ଅନେକ ବାଧା ସୃଷ୍ଟି ହୋଇଥିଲା । ଫଳରେ ସ୍ଥାନୀୟ ଜନସାଧାରଣଙ୍କ ସହଯୋଗରେ ଆଇନଜୀବୀ ଅଙ୍କିତା ଗାଈକୁ ଉଦ୍ଧାର କରିବାରେ ସଫଳ ହୋଇଥିଲେ । ରଶି ମାଧ୍ୟମରେ ଗାଈକୁ ଉଦ୍ଧାର କରାଯାଇଥିଲା । ଦୀର୍ଘ ଏକ ଘଣ୍ଟାରୁ ଦୁଇଘଣ୍ଟା ସମୟ ଲାଗିଥିଲା । ଗାତରୁ ଗାଈଟିକୁ ଉଦ୍ଧାର କରିବା ପାଇଁ ଅଙ୍କିତା ଜଣେ ଆନିମଲ ଆକ୍ଟିଭିସ୍ଟ ଭାବରେ ଅନେକ କାର୍ଯ୍ୟ କରିଥିବା ଜଣାପଡିଛି ।