ହରିୟାଣାରେ ଟିକାକୁ ନେଇ ଗୁଜବ : ଭ୍ୟାକ୍ସିନରେ ଗାଈର ରକ୍ତ ଓ ଘୁଷୁରୀ ମାଂସ ମିଶିଥିବା ଉଡା ଖବର ପରେ ଟିକା ନେବାକୁ ଲୋକ ଅମଙ୍ଗ
ପ୍ରଶାସନକୁ ଚିଠି ଲେଖି ଟିକା ନେବାକୁ ଆପତ୍ତି କଲେ ଦକ୍ଷିଣ ହରିୟାଣାର ଲୋକେ
କନକ ବ୍ୟୁରୋ : କରୋନା ଟିକାକୁ ନେଇ ଏଭଳି ଗୁଜବ ବ୍ୟାପିଛି ଯେ, ଲୋକେ ଟିକା ନେବାକୁ ଅମଙ୍ଗ ହେଉଛନ୍ତି । ଉଡା ଖବର ଉଠିଛି କରୋନା ଟିକାରେ ମିଶିଛି ଗାଈର ରକ୍ତ ଓ ଘୁଷୁରି ମାଂସ । ଏଭଳି ଗୁଜବ ହରିଆଣାରେ ଉଠିବା ପରେ ଲୋକେ ଟିକା ନେବାକୁ ଅମଙ୍ଗ ହେଉଛନ୍ତି । ଏପରିକି ଦକ୍ଷିଣ ହରିଆଣାର ପଲୱଲ ଜିଲ୍ଲାରେ ଲୋକେ ଟିକା ନେବେନାହିଁ ବୋଲି ସ୍ଥାନୀୟ ପ୍ରଶାସନକୁ ଚିଠି ଲେଖି ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ପ୍ରାୟ ୫୦ରୁ ୬୦ ଜଣ ଲୋକ ଏକ ଚିଠି ଲେଖି କରୋନା ଟିକାରେ ଗାଈ ରକ୍ତ ମିଶିଥିବାରୁ ସେମାନେ ଟିକା ନେବାକୁ ଚାହୁଁ ନାହାନ୍ତି । ପୂର୍ବରୁ ମଧ୍ୟ ଏଭଳି ଗୁଜବ ଉଠିଥିଲା । ଏହାକୁ ନେଇ ସ୍ଥାନୀୟ ପ୍ରଶାସନ ଓ ସ୍ୱାସ୍ଥ୍ୟ ବିଭାଗ ଲୋକଙ୍କ ପ୍ରତିକ୍ରିୟା ନେବାବେଳେ ସେମାନେ ଟିକାରେ ଘୁଷୁରି ମାଂସ ମିଶିଥିବା ସନ୍ଦେହ କରୁଛନ୍ତି ବୋଲି କହିଥିଲେ । ଏହାକୁ ନେଲେ ନପୁଂସକ ହୋଇଯିବା ଭୟ ରହିଛି ବୋଲି ସେମାନଙ୍କ ଆଶଙ୍କା ରହିଥିଲା । ହେଲେ ଏଭଳି ଗୁଜବକୁ ବିଶ୍ୱାସ ନକରିବାକୁ ପ୍ରଶାସନ କହିଛି । ଏଥିପାଇଁ ଲୋକଙ୍କ ବ୍ୟାପକ ସଚେତନତା ଜରୁରୀ ବୋଲି ସ୍ୱାସ୍ଥ୍ୟ ବିଶେଷଜ୍ଞ କହିଛନ୍ତି ।