ଦିନକ ପରେ ଦେଶ ନେବ ଟୀକା । ଶନିବାର ସାଢେ ୧୦ଟାରେ କରୋନା ଟୀକାକରଣର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ । ପ୍ରଥମ ଦିନରେ ୩ ଲକ୍ଷ ସ୍ୱାସ୍ଥ୍ୟକର୍ମୀଙ୍କୁ ଦିଆଯିବ ଟୀକା ।
କନକ ବ୍ୟ୍ୟୁରୋ: ଆସନ୍ତା ୧୬ ତାରିଖ ଅର୍ଥାତ ଶନିବାର ଦିନ ଆରମ୍ଭ ହେବ ବିଶ୍ୱର ସବୁଠୁ ବଡ଼ ଟିକାକରଣ ଅଭିଯାନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଟିକାକରଣ କାର୍ଯ୍ୟକ୍ରମର ଶୁଭାରମ୍ଭ କରିବେ । ଦିନ ସାଢେ ୧୦ଟାରେ ଭିଡିଓ କନଫରେନ୍ସିଂ ଜରିଆରେ ମୋଦି ଦେଶବ୍ୟାପି ଟିକାକରଣ କାର୍ଯ୍ୟକ୍ରମର ଶୁଭାରମ୍ଭ କରିବେ । ପ୍ରଥମ ଦିନରେ ଦେଶରେ ୩ ଲକ୍ଷ ସ୍ୱାସ୍ଥ୍ୟକର୍ମୀଙ୍କୁ ଟିକା ଦିଆଯିବ । ୩ ହଜାର ୬ଟି କେନ୍ଦ୍ରରେ ଏହି ଟିକାକରଣ ହେବ ।
Kanak News is now on WhatsApp
Join and get latest news updates delivered to you via WhatsApp
ତେବେ ପ୍ରତ୍ୟେକ କେନ୍ଦ୍ରରେ ଦୈନିକ ସର୍ବାଧିକ ଶହେ ଜଣ ଟିକା ଦେଇପାରିବେ । କେବଳ ପଞ୍ଜିକୃତ ହୋଇଥିବା ଲୋକ ହିଁ ଟିକା ନେବା ପାଇଁ କେନ୍ଦ୍ରକୁ ଆସିବେ । ଟିକାକରଣ ପାଇଁ ଡିଜିଟାଲ ପ୍ଲାଟଫର୍ମରେ କୋ-ୱିନ ନାମରେ ଏକ ଆପ୍ଲିକେସନ ବି ଆରମ୍ଭ ହେବ । ଏଥିରେ ଟିକାକରଣ ପାଇଁ ସମସ୍ତ ପ୍ରକାରର ସୂଚନା ରହିବ । ଟିକା ନେଇ କୌଣସି ସନ୍ଦେହ ହେଲେ ଏକ ହେଲପଲାଇନ ନମ୍ବର ବି ଜାରି କରାଯାଇଛି । ଦେଶରେ ୧୬ ତାରିଖରୁ କୋଭାକ୍ସିନ ଓ କୋଭିସିଲ୍ଡ ଟିକାର ଜରୁରୀକାଳୀନ ବ୍ୟବହାର ପାଇଁ କେନ୍ଦ୍ର ସରକାର ଅନୁମତି ଦେଇଛନ୍ତି ।