କୋଭିଡ୍ ଟିକାକରଣ ପାଇଁ ବଢୁଛି କି ଯୁବକଙ୍କ ଅକସ୍ମାତ ମୃତ୍ୟୁ? ଆଇସିଏମଆରର ରିପୋର୍ଟ କଲା ବଡ ଖୁଲାସା…
କନକ ବ୍ୟୁରୋ: କୋଭିଡ୍ ଟୀକା କାରଣରୁ ଦେଶରେ ବଢୁଛି କି ଯୁବକମାନଙ୍କର ଅକସ୍ମାତ ମୃତ୍ୟୁ? ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ ରିସର୍ଚ୍ଚ ବା ଆଇସିଏମଆରର ଏକ ଗବେଷଣାରୁ ଏମିତି କିଛି ତଥ୍ୟ ଆସିଛି, ଯାହା ଆପଣଙ୍କୁ ଜାଣିରଖିବା ନିହାତି ଆବଶ୍ୟକ । କୋଭିଡ୍ ଟିକାକରଣ ହେବା ପରଠାରୁ ଦେଶରେ ଯୁବକମାନଙ୍କର ଅକସ୍ମାତ ମୃତ୍ୟୁ ହେଉଥିବା ଖବର ପ୍ରସାରିତ ହେବାରେ ଲାଗିଥିଲା । ଏହାପରେ ଆଇସିଏମଆର ଏନେଇ ଗବେଷଣା କରିବା ପରେ, ଏହି ତଥ୍ୟ ସମ୍ପୂର୍ଣ୍ଣ ଭାବେ ଭୁଲ ବୋଲି ଦର୍ଶାଇଛି ।
Kanak News is now on WhatsApp
Join and get latest news updates delivered to you via WhatsApp
ଆଇସିଏମଆର ସାରା ଦେଶରୁ ୧୮ରୁ ୪୫ ବର୍ଷ ବୟସ୍କ କିଛି ମୃତ ଲୋକଙ୍କ ଉପରେ ଏହି ଗବେଷଣା କରିଥିଲା । ଏହି ଗବେଷଣାରେ କେବଳ ୨୦୨୧ ମସିହା ଅକ୍ଟୋବର ମାସର ୨୦୨୩ ମସିହା ମାର୍ଚ୍ଚ ମାସ ମଧ୍ୟରେ ଅକସ୍ମାତ ମୃତ୍ୟୁ ହୋଇଥିବା ଲୋକଙ୍କୁ ସାମିଲ କରାଯାଇଥିଲା । ଏହି ଲୋକମାନେ କୋଭିଡ୍ ଟିକାକରଣ ହେତୁ ମୃତ୍ୟୁବରଣ କରିଛନ୍ତି, ନା ସେମାନଙ୍କ ମୃତ୍ୟୁର କାରଣ ଅନ୍ୟ କିଛି ସେନେଇ ଯାଞ୍ଚ କରିଥିଲା ଆଇସିଏମଆର । ଏହାପରେ ଜଣାପଡିଥିଲା ଯେ, ଦେଶରେ କୋଭିଡ୍ ଟିକାକରଣ ହେତୁ ଯୁବକମାନଙ୍କର ଅକସ୍ମାତ ମୃତ୍ୟୁରେ କୌଣସି ବୃଦ୍ଧି ଘଟିନାହିଁ ।
(1/2) •COVID19 vaccination didn’t increase risk of sudden deaths; it actually reduced the risk.
• Past COVID-19 hospitalization, family history of sudden deaths, binge alcohol drinking, intense unaccustomed activity was associated with higher risk of sudden death. pic.twitter.com/j0ZnLTJvBb— ICMR (@ICMRDELHI) November 21, 2023
ଏହି ଗବେଷଣାରେ ମୋଟ ୭୨୯ ଲୋକଙ୍କ ମାମଲାକୁ ଦେଖାଯାଇଥିଲା । ଏହି ଲୋକମାନେ ଗୁରୁତର କରୋନା ରୋଗରେ ପୀଡିତ ଥିଲେ । ଏହି ଲୋକମାନଙ୍କର ମେଡିକାଲ ହିଷ୍ଟ୍ରି, ଧୂମ୍ରପାନ, ମଦ ପିଇବା ଏବଂ ଶାରିରୀକ ଗତିବିଧି କେମିତି ରହିଥିଲା ସେନେଇ ତଥ୍ୟ ସଂଗ୍ରହ କରାଯାଇଥିଲା । ତା ସହିତ ସେମାନଙ୍କୁ କେଉଁ କୋଭିଡ୍ ଟିକା ଦିଆଯାଇଥିଲା ସେନେଇ ମଧ୍ୟ ଯାଞ୍ଚ କରାଯାଇଥିଲା । ଏହାପରେ ଆଇସିଏମଆର ଏହି ତଥ୍ୟ ଦେଇଛି ।
ସୂଚନାଯୋଗ୍ୟ ଯେ, ଗତ କିଛି ଦିନ ଧରି ଦେଶରେ ଯୁବକମାନଙ୍କର ଅକସ୍ମାତ ମୃତ୍ୟୁ ବଢିବାରେ ଲାଗିଥିଲା । ଯାହାପରେ ଆଇସିଏମଆର ଏନେଇ ଯାଞ୍ଚ ଆରମ୍ଭ କରିଥିଲା । କୋଭିଡ୍ ଟିକାକରଣ ହେତୁ, ଏହି ମୃତ୍ୟୁ ହେଉନଥିବା ଆଇସିଏମଆର ପକ୍ଷରୁ ସ୍ପଷ୍ଟ କରାଯାଇଛି ।