ସିଲଭରସିଟିରେ ବଢୁଛି ସଂକ୍ରମଣ । ପୁଣି ୩୨ ନୂଆ ପଜିଟିଭ୍ ଚିହ୍ନଟ, କେଉଁ କେଉଁ ଅଞ୍ଚଳରୁ ଚିହ୍ନଟ ହୋଇଛନ୍ତି ନୂଆ ଆକ୍ରାନ୍ତ, ଟ୍ୱିଟ୍ କରି ସୂଚନା ଦେଲା ସିଏମସି ।

କନକ ବ୍ୟୁରୋ : ସିଲଭରସିଟିରେ ବଢୁଛି ସଂକ୍ରମଣ । ପୁଣି ୩୨ ନୂଆ ପଜିଟିଭ୍ ଚିହ୍ନଟ, କେଉଁ କେଉଁ ଅଞ୍ଚଳରୁ ଚିହ୍ନଟ ହୋଇଛନ୍ତି ନୂଆ ଆକ୍ରାନ୍ତ, ଟ୍ୱିଟ୍ କରି ସିଏମସି ଦେଲା ସୂଚନା । କଟକରୁ ଆଜି ୫ଟି ସ୍ଥାନୀୟ ସଂକ୍ରମଣ ସମେତ ୩୨ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଅନ୍ୟ ୨୬ ଜଣ ସଂଗରୋଧ କେନ୍ଦ୍ରର (ସରକାରୀ ସଂଗରୋଧ କେନ୍ଦ୍ରରୁ ୫ ଜଣ ଓ ହୋମ କ୍ୱାରେଣ୍ଟାଇନରୁ ୨୧ ଜଣ) ହୋଇଥିବା ବେଳେ ଜଣେ ପେଡ୍ କ୍ବାରେଣ୍ଟାଇନରେ ଥିବା ଜଣାପଡ଼ିଛି । ସରକାରୀ ସଂଗରୋଧ କେନ୍ଦ୍ରରୁ ଚିହ୍ନଟ ହୋଇଥିବା ୫ ଜଣଙ୍କ ମଧ୍ୟରୁ ୪ ଜଣ ମହିଳା । ସେମାନଙ୍କର ବୟସ ଯଥାକ୍ରମେ ୧୮ବର୍ଷ, ୨୫ ବର୍ଷ ଓ  ୨ଜଣଙ୍କର ବୟସ ୪୦ ବର୍ଷ ଲେଖାଏଁ ରହିଛି । ତେବେ ପୁରୁଷ ଆକ୍ରାନ୍ତଙ୍କ ବୟସ ୪୧ ବର୍ଷ । କଟକ ମହାନଗର ନିଗମ ପକ୍ଷରୁ ଏହି ସୂଚନା ଦିଆଯାଇଛି । ଗତକାଲି କଟକରୁ ୧୬ ଜଣ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ଆଜି ଏହାର ୨ଗୁଣା ସଂକ୍ରମିତ ବାହାରି ଥିବାରୁ ସ୍ଥାନୀୟଲୋକଙ୍କର ଚିନ୍ତା ବଢ଼ିଯାଇଛି ।

ତେବେ ଆକ୍ରାନ୍ତଙ୍କ ମଧ୍ୟରୁ କିଏ କେଉଁ କେଉଁ ଅଞ୍ଚଳରୁ ଚିହ୍ନଟ ହୋଇଛନ୍ତି ତାଙ୍କ ବାବଦରେ ସଂକ୍ଷିପ୍ତ ସୂଚନା ଜାରି କରିଛି ସିଏମସି…

#COVID19 update in Cuttack city (CMC area)

Out of the 84 new COVID-19 +ve cases reported today in #Cuttack district, 32 +ve cases belong to Cuttack city (CMC area).

Another 8 recoveries have been reported recently! KUDOS to the efforts of all doctors & healthcare staff. pic.twitter.com/16spBWRDEG

— CMC,Cuttack (@CMCCuttack) July 21, 2020

ତେବେ ନୂଆ ୩୨ ଆକ୍ରାନ୍ତଙ୍କୁ ମିଶାଇ କେବଳ କଟକ ମହାନଗର ନିଗମରେ ଏପର୍ଯ୍ୟନ୍ତ ୩୯୮ ପଜିଟିଭ୍ କେସ୍ ବାହାରିଲାଣି । ସେଥି ମଧ୍ୟରୁ ୨୨୫ ଜଣ ସୁସ୍ଥ ହୋଇଥିବାବେଳେ ୧୬୫ ଜଣ ସକ୍ରିୟ ଅଛନ୍ତି । ଏବଂ ୮ ଜଣଙ୍କର ମୃତ୍ୟୁ ହୋଇଛି ।