ଟିକାକରଣକୁ ତ୍ୱରାନ୍ୱିତ କରିବାକୁ କେନ୍ଦ୍ରର ବଡ ନିଷ୍ପତ୍ତି : ଏଣିକି ଦେଶର ସବୁ ଘରୋଇ ହସ୍ପିଟାଲରେ ମିଳିବ କରୋନା ଟିକା; ସବୁ ରାଜ୍ୟକୁ ଜଣାଇଲା କେନ୍ଦ୍ର
ଟିକାକରଣ ପାଇଁ ଘରୋଇ ହସପିଟାଲରେ ଆବଶ୍ୟକ ସୁବିଧା ଥିବା ଦରକାର
କନକ ବ୍ୟୁରୋ : ଟିକାକରଣକୁ ତ୍ୱରାନ୍ୱିତ କରିବାକୁ କେନ୍ଦ୍ରର ବଡ ନିଷ୍ପତ୍ତି । ଏଣିକି ଦେଶର ସବୁ ଘରୋଇ ହସ୍ପିଟାଲରେ ମିଳିବ କରୋନା ଟିକା । ଏ ନେଇ କେନ୍ଦ୍ର ସରକାର ସବୁ ରାଜ୍ୟଗୁଡିକୁ ଜଣାଇଦେଇଛନ୍ତି । ତେବେ ଟିକାକରଣ ପାଇଁ ଘରୋଇ ହସ୍ପିଟାଲରେ ଆବଶ୍ୟକ ସୁବିଧା ଥିବା ଦରକାର । ଘରୋଇ ହସ୍ପିଟାଲ ଗୁଡିକ କିପରି ଶତପ୍ରତିଶତ କୋଭିଡ ଟିକାକରଣ ସେଂଟର ଭାବେ କାମ କରିବ ସେଦିଗରେ ଯତ୍ନବାନ ହେବା ପାଇଁ କେନ୍ଦ୍ର ସରକାର ପରାମର୍ଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସ୍ୱାସ୍ଥ୍ୟମନ୍ତ୍ରୀ ଦେଇଥିବା ସୂଚନା ଅନୁସାରେ, ଯେଉଁ ଘରୋଇ ହସ୍ପିଟାଲ ଗୁଡିକ ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା , କେନ୍ଦ୍ର ସରକାରଙ୍କ ସ୍ୱାସ୍ଥ୍ୟ ସ୍କିମ ଏବଂ ଷ୍ଟେଟ ହେଲଥ ଇନସୁରାନ୍ସ ସ୍କିମ ଭିତରେ ଆସୁନଥିବେ ସେସବୁ ହସ୍ପିଟାଲରେ ମଧ୍ୟ କୋଭିଡ ଟିକାକରଣ ହୋଇପାରିବ । କିନ୍ତୁ ଏସବୁ ହସ୍ପିଟାଲ ଗୁଡିକରେ ଅଧିକ ପରିମାଣର ଟିକାଦାତା ରହିବା ଦରକାର । ସେହିପରି ଟିକାକରଣ ପ୍ରକ୍ରିୟା ପାଇଁ ସ୍ଥାନ ଥିବା ଦରକାର ଏଥିସହ କୋଲଡ ଚେନ ବ୍ୟବସ୍ଥା ସଠିକ ଭାବେ ହୋଇପାରୁଥିବା ଦରକାର ।