କନକ ବ୍ୟୁରୋ: ଆସନ୍ତା ସୋମବାରଠାରୁ ରାଜଧାନୀ ଭୁବନେଶ୍ୱରରେ ଆରମ୍ଭ ହେବ ୧୮ ବର୍ଷରୁ ୪୪ ବର୍ଷୀୟ ଲୋକଙ୍କ ଟିକାକରଣ । ଏଥିପାଇଁ ଆଜି ସନ୍ଧ୍ୟାରୁ ଆରମ୍ଭ ହେବ ସ୍ଲଟ୍ ବୁକିଂ । ଲୋକମାନେ ନିଜର ରେଜିଷ୍ଟ୍ରେସନ କରି ସିଡ୍ୟୁଲ କରିବା ପରେ ଟିକାକେନ୍ଦ୍ରକୁ ଯାଇ ଟିକା ନେଇପାରିବେ ବୋଲି ପ୍ରେସମିଟ୍ କରି ସୂଚନା ଦେଇଛନ୍ତି ବିଏମସି କମିଶନର ପ୍ରେମଚନ୍ଦ ଚୌଧୁରୀ ।

Advertisment

ସାବାଳକ ଟିକାକରଣ ପାଇଁ ଭୁବନେଶ୍ୱରକୁ ଟିକା ଆସିଛି । ଆଜି ମଧ୍ୟ କିଛି ଟିକା କେନ୍ଦ୍ରରେ ସାବାଳକ ଟିକାକରଣର ଡ୍ରାଏ ରନ୍ ସରିଛି । ଆସନ୍ତା ସୋମବାରଠାରୁ ଟିକାକେନ୍ଦ୍ରରେ ଟିକା ଦିଆଯିବ । ଏଥିପାଇଁ ସମସ୍ତେ ରେଜିଷ୍ଟ୍ରେସନ କରିବା ବାଧ୍ୟତାମୂଳକ ବୋଲି ବିଏମସି କମିଶନର କହିଛନ୍ତି । ଅନ୍ୟପଟେ କୋଭିଡର ଦ୍ୱିତୀୟ ଲହର ଭିତରେ କରୋନାର ମୁକାବିଲା କରୁଛି ଭୁବନେଶ୍ୱର । ଏବେ ବି ରାଜଧାନୀରେ ୫୦ ପ୍ରତିଶତ ଏଚିଡିୟୁ ଓ ସାଧାରଣ ବେଡ୍ ବଳକା ଅଛି । ତା ସହିତ କେବଳ ୧୦ ପ୍ରତିଶତ ଆଇସିୟୁ ଏବେ ଫାଙ୍କା ରହିଛି ବୋଲି କମିଶନର କହିଛନ୍ତି ।