ସରକାର କହିଲେ ୨ ଦିନରେ ସରିଯିବ ଟିକା : ପରିବାର କଲ୍ୟାଣ ନିର୍ଦ୍ଦେଶକଙ୍କ ସୂଚନା, ଭ୍ୟାକ୍ସିନ ନଥିବାରୁ ବନ୍ଦ ହେଲାଣି ୭ଶହ ଟିକାଦାନ କେନ୍ଦ୍ର
କନକ ବ୍ୟୁରୋ : ସରକାର କହିଲେ ୨ ଦିନରେ ସରିଯିବ ଟିକା । ଟିକା ଅଭାବରୁ ବନ୍ଦ ହୋଇଛି ୭ଶହ ଟିକାକରଣ କେନ୍ଦ୍ର । ଏନେଇ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ସୂଚନା ଦେଇଛନ୍ତି । ସେ କହିଛନ୍ତି ଟିକା ଅଭାବରୁ ଟିକାକରଣ ବାଧାପ୍ରାପ୍ତ ହୋଇଛି । ଗତକାଲି ୧ ଲକ୍ଷ ୧୦ ହଜାର ୮ଶହ୮୯ ଡୋଜ ଟିକା ଦିଆଯାଇଛି । ୪ଲକ୍ଷ ୩୫ ଡୋଜ ୩୨୦ କୋଭିସିଲ୍ଡ ଟିକା ରହିଛି । ୧ ଲକ୍ଷ ୧୪ ହଜାର ୪୯୦ କୋଭାକ୍ସିନ ଟିକା ମହଜୁଦ ଅଛି । ହେଲେ ଏସବୁ ୨ ଦିନ ଭିତରେ ସରିଯିବ । ୧୦ ଦିନ ପାଇଁ ୨୫ ଲକ୍ଷ ଟିକାର ଆବଶ୍ୟକତା ଅଛି ବୋଲି କହିଛନ୍ତି ବିଜୟ ପ୍ରାଣିଗ୍ରାହୀ ।
Kanak News is now on WhatsApp
Join and get latest news updates delivered to you via WhatsApp
ସେପଟେ, ଭୁବନେଶ୍ୱରରେ କରୋନା ସଂଖ୍ୟା ବଢୁଥିବା ବେଳେ କମିସନରେଟ ପୁଲିସ ସହ ମିଶି ବିଏମସି ଏନଫୋର୍ସମେଂଟକୁ ତ୍ୱରାନ୍ୱିତ କରୁଛି । ସଂକ୍ରମଣକୁ ଚେକ ଦେବା ପାଇଁ ସରକାରୀ କାର୍ଯ୍ୟାଳୟରେ ସାଧାରଣ ଲୋକଙ୍କ ପ୍ରବେଶ ଉପରେ କଟକଣା ଲଗାଯାଇଛି । ଏହି ସୂଚନା ଦେଇଛନ୍ତି ବିଏମସି କମିସନର ପ୍ରେମଚନ୍ଦ ଚୌଧୁରୀ । ଭୁବନେଶ୍ୱରରେ ବର୍ତମାନ କାର୍ଯ୍ୟକ୍ଷମ ଏକମାତ୍ର କୋଭିଡ ହସ୍ପିଟାଲ, ସମ ହସ୍ପିଟାଲରେ ଶଯ୍ୟା ସଂଖ୍ୟା ୧୫୦ରୁ ୨୫୦କୁ ବୃଦ୍ଧି କରାଯାଇଛି । ଏବେ ନାଇଟକର୍ଫ୍ୟୁ, ଲକଡାଉନ, ସଟଡାଉନ୍ କଥା ଚିନ୍ତା କରାଯାଉ ନାହିଁ । ଏନଫୋର୍ସମେଂଟ, ମାଇକ୍ରୋ କଂଟେନମେଂଟ ଓ ସଚେତନତା ଉପରେ ଗୁରୁତ୍ୱ ଦିଆଯାଉଥିବା କହିଛନ୍ତି ବିଏମସି କମିସନର ।