କନକ ବ୍ୟୁରୋ: ରାଜ୍ୟରେ ବଢୁଥିବା ସଂକ୍ରମଣ ଭିତରେ ଆଜି ରାଜ୍ୟ ସରକାର ସମସ୍ତ ସହରାଞ୍ଚଳରେ ଜାରି କରିଛନ୍ତି ସପ୍ତାହନ୍ତ ସଟଡାଉନ୍ । ଏଣିକି ରାଜ୍ୟର ସମସ୍ତ ସହର ଶନି ଓ ରବିବାର ସଟଡାଉନ୍ ହେବ । ଏପରି ସ୍ଥିତିରେ ରାଜ୍ୟ ସରକାର ବିବାହ ଓ ଅନ୍ତ୍ୟେଷ୍ଟି କ୍ରିୟା ଉପରେ ମଧ୍ୟ କଡା କଟକଣା ଜାରି କରିଛନ୍ତି । ବିବାହରେ ଏଣିକି ସର୍ବମୋଟ ୫୦ ଓ ଅନ୍ତ୍ୟେଷ୍ଟି କ୍ରିୟାରେ ୨୦ ଜଣ ଲୋକ ଯୋଗ ଦେବେ ।
Kanak News is now on WhatsApp
Join and get latest news updates delivered to you via WhatsApp
ଏସମ୍ପର୍କିତ ସୂଚନା ଦେଇ ଏସଆରସି କହିଛନ୍ତି ଯେ, କିଛି ଅଂଚଳରେ ଲୋକମାନେ ପଚାଶ ପଚାଶ ଲୋକଙ୍କୁ ନେଇ ଅଧିକ ଲୋକଙ୍କୁ ଏକଜୁଟ୍ କରୁଛନ୍ତି । ଯାହାଫଳରେ ବିବାହ ଆଦି କାମରୁ କରୋନା ବ୍ୟାପୁଛି । ତେଣୁ ଏବେ ଗୋଟିଏ ବିବାହରେ ସର୍ବମୋଟ ୫୦ ଜଣ ଲୋକ ଯୋଗଦେବେ ବୋଲି ରାଜ୍ୟ ସରକାର ଘୋଷଣା କରିଛନ୍ତି । ସେହିପରି ବିବାହରେ ପ୍ରୋସେସନକୁ ମଧ୍ୟ ମନା କରାଯାଇଛି । ଯଦି କେହି ଏହାକୁ ଉଲ୍ଲଘଂନ କରନ୍ତି ତେବେ ତାଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ସମ୍ପୃକ୍ତ ଗାଡିକୁ ସିଜ୍ କରାଯିବା ସହିତ ତାଙ୍କ ବିରୋଧରେ ଅପରାଧିକ ମାମଲା ରୁଜୁ କରାଯିବ ।
ଅନ୍ୟପଟେ ବିବାହରେ ସମସ୍ତେ ମାସ୍କ ପିନ୍ଧିବା ସହିତ ସାମାଜିକ ଦୂରତା ପାଳନ କରିବେ । ଗୋଟିଏ ଲୋକଠାରୁ ଅନ୍ୟ ଲୋକ ଭିତରେ ୬ ଫୁଟ୍ ଦୂରତା ରହିବ ବୋଲି କୁହାଯାଇଛି । ସେହିପରି ସାନିଟାଇଜରର ବ୍ୟବହାର କରିବାକୁ ମଧ୍ୟ କୁହାଯାଇଛି । ସେହିପରି କୋଭିଡ୍ ନିୟମ ଉଲ୍ଲଘଂନ କଲେ ବିବାହର ଆୟୋଜନକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।