ମାଆ ମଙ୍ଗଳାଙ୍କ ଝାମୁଯାତ୍ରାରେ ଲାଗିଲା କଟକଣା । ଚୈତ୍ର ମାସର ୫ଟି ମଙ୍ଗଳବାରରେ ଶ୍ରଦ୍ଧାଳୁଙ୍କୁ ମନ୍ଦିର ପ୍ରବେଶ ମନା । କରୋନା କଟକଣା ଭିତରେ ନୀତିକାନ୍ତି ସମ୍ପନ୍ନ କରିବେ ସେବାୟତ ।
କନକ ବ୍ୟୁରୋ : କାକଟପୁର ମା’ ମଙ୍ଗଳାଙ୍କ ଚୈତ୍ର ପର୍ବ ଝାମୁଯାତ୍ରା ଉପରେ ଲାଗିଲା କରୋନା କଟକଣା । ଭକ୍ତଙ୍କୁ ମନ୍ଦିର ପ୍ରବେଶ ମନା । କୋଭିଡ କଟକଣା ଭିତରେ ଚାଲିବ ମାଆଙ୍କ ନୀତି କାନ୍ତି । ପୁରୀ ଜିଲ୍ଲାର ପ୍ରମୁଖ ଶକ୍ତିପୀଠ ଭାବେ ପରିଚିତ କାକଟପୁର ମା’ ମଙ୍ଗଳା ମନ୍ଦିର । ଏଠାରେ ମାଆଙ୍କ ଚୈତ୍ର ପର୍ବ ଝାମୁଯାତ୍ରା ଅନୁଷ୍ଠିତ ହୁଏ । ଚଳିତବର୍ଷ ୫ଟି ପାଳି ଯାତ୍ରା ଉପରେ ପ୍ରଶାସନିକ କଟକଣା ଲାଗିଛି । ଚଳିତ ମାସ ୩୦ ତାରିଖ ମଙ୍ଗଳବାର ଦିନ ମାଆଙ୍କ ପ୍ରଥମ ପାଳି ଯାତ୍ରା ଅନୁଷ୍ଠିତ ହେବ । ମା’ଙ୍କ ନୀତି କାନ୍ତି, କୋଭିଡ ନିୟମ ମାନି ସେବାୟତମାନେ କରିବେ । କିନ୍ତୁ ଭକ୍ତମାନଙ୍କୁ ମନ୍ଦିର ପ୍ରବେଶ ଉପରେ ସମ୍ପୂର୍ଣ୍ଣ ବାରଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆଜି କାକଟପୁର ଡାକ ବଙ୍ଗଳା ଠାରେ ମନ୍ଦିର ପରିଚାଳନା କମିଟି ବୈଠକରେ ଏହି ନିଷ୍ପତି ହୋଇଥିବା କାକଟପୁର ତହସିଲଦାର ଚିତରଞ୍ଜନ ବେହେରା କହିଛନ୍ତି । ଝାମୁଯାତ୍ରାର ୫ଟି ପାଳିରେ ରାଜ୍ୟର ବିଭିନ୍ନ ସ୍ଥାନରୁ ହଜାର ହଜାର ଭକ୍ତ ମାଆଙ୍କ ଦର୍ଶନ କରିବାକୁ ଆସିଥାନ୍ତି । ଏବେ ପୁଣି କରୋନା ସଂକ୍ରମଣ ସଂଖ୍ୟା ବଢିବାରୁ ଝାମୁଯାତ୍ରା ଉପରେ କଟକଣା ଲାଗିଛି । ଝାମୁ ଯାତ୍ରାକୁ ଝାଡି ଦେଲେ ଅନ୍ୟ ଦିନ ମାନଙ୍କରେ ଭକ୍ତମାନେ କରୋନା କଟକଣା ମାନି ମାଆ ମଙ୍ଗଳାଙ୍କ ଦର୍ଶନ କରିପାରିବେ ।