ମହାରାଷ୍ଟ୍ରରେ କାଲିଠୁ କଡାକଡି ହେବ କଟକଣା । ୧୫ ପ୍ରତିଶତ କର୍ମଚାରୀଙ୍କୁ ନେଇ ଚାଲିବ ସରକାରୀ ଅଫିସର । ବିବାହରେ ଯୋଗ ଦେବେ କେବଳ ୨୫ ଜଣ ଲୋକ ।

ଦେଶ ବିଦେଶନ୍ୟୁଜ୍
By Tusar Samantaray
229

କନକ ବ୍ୟୁରୋ: ଦେଶରେ ବଢୁଥିବା ସଂକ୍ରମଣ ଭିତରେ ମହାରାଷ୍ଟ୍ରରୁ ଆସିଛି ବଡ ଖବର । ମହାରାଷ୍ଟ୍ରରେ ଆସନ୍ତାକାଲିଠୁ କଡାକଡି ହେବାକୁ ଯାଉଛି କୋଭିଡ୍ କଟକଣା । ଆସନ୍ତାକାଲି ରାତି ୮ଟାରୁ ଏହି କଟକଣା ଲାଗୁ ହେବ । ଯାହାକି ମେ ୧ ତାରିଖ ଯାଏଁ ବଳବତ୍ତର ରହିବ । ରାଜ୍ୟରେ ବଢୁଥିବା ସଂକ୍ରମଣ ଓ ମୃତ୍ୟୁକୁ ଦେଖି ଏପରି ନିଷ୍ପତ୍ତି ନେଇଛି ଉଦ୍ଧବ ସରକାର ।

ଏହି କଟକଣା ଭିତରେ ୧୫ ପ୍ରତିଶତ କର୍ମଚାରୀଙ୍କୁ ନେଇ ସରକାରୀ ଅଫିସ ଚାଲିବ । ସେହିପରି ବିବାହରେ କେବଳ ୨୫ ଜଣ ଲୋକ ଯୋଗ ଦେଇପାରିବେ । ବିବାହ ଉତ୍ସବକୁ କେବଳ ୨ ଘଂଟା ଭିତରେ ସାରିବାକୁ ନିର୍ଦ୍ଦେଶ ଦିଆଯାଇଛି । ଯଦି କେହି ବି ଏହି ନିୟମ ଉଂଲ୍ଲଘନ କରନ୍ତି ତେବେ ତାଙ୍କୁ ୫୦ ହଜାର ଟଙ୍କା ଜରିମାନା ଗଣିବାକୁ ପଡିବ ।

ଗତ କିଛି ଦିନ ହେଲା ମହାରାଷ୍ଟ୍ରର କୋଭିଡ୍ ସଂକ୍ରମଣ ସବୁ ରେକର୍ଡ ଭାଙ୍ଗି ସାରିଥିଲା । ଆଜି ବି ରାଜ୍ୟରୁ ପାଖାପାଖି ୭୦ ହଜାର ନୂଆ ସଂକ୍ରମିତ ଚିହ୍ନଟ ହୋଇଥିଲେ । ଖାଲି ସେତିକି ନୁହେଁ ମୃତ୍ୟୁସଂଖ୍ୟା ମଧ୍ୟ ମହାରାଷ୍ଟ୍ରରେ କ୍ରମାଗତ ବଢିବାକୁ ଲାଗିଥିଲା । ଯାହାକୁ ଦେଖିବା ପରେ ଏବେ ମହାରାଷ୍ଟ୍ରରେ କଟକଣା କଡାକଡି ହେବାକୁ ଘୋଷଣା ହୋଇଛି ।

ସମ୍ବନ୍ଧିତ ଖବର More from author