ଗଂଜାମରେ ବିସ୍ଫୋରକ ସ୍ଥିତି: କରୋନା ତାଲିକାରେ ଶୀର୍ଷରେ ରହିଛି ଗଂଜାମ; ଆଗକୁ ସଂକ୍ରମିତଙ୍କ ସଂଖ୍ୟା ଆହୁରି ବଢିବା ନେଇ ଆଶଙ୍କା
କନକ ବ୍ୟୁରୋ: ରାଜ୍ୟରେ ବଢୁଛି କରୋନା ଆକ୍ରାନ୍ତଙ୍କ ସଂଖ୍ୟା । ସେହି ଅନୁପାତରେ ସମସ୍ତ ଜିଲ୍ଲାରେ କୋଭିଡ ହସ୍ପିଟାଲର ବ୍ୟବସ୍ଥା କରାଯାଇଛି । ଏହି ତାଲିକାରେ ରାଜ୍ୟର ବିଭିନ୍ନ ସ୍ଥାନରେ ସମୁଦାୟ ୫ହଜାର ୩୯୬ଟି ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲଗୁଡିକ ରହିଛି । ବର୍ତମାନ ସବୁଠାରୁ ଗଞ୍ଜାମ ଜିଲ୍ଲାରେ ଅଧିକ ସୁରଟ ଫେରନ୍ତା କରୋନାରେ ଆକ୍ରାନ୍ତ ହୋଇଛନ୍ତି । କେବଳ ଗଞ୍ଜାମ ଜିଲ୍ଲାରେ ୨୦୦ ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ରହିଛି ।
Kanak News is now on WhatsApp
Join and get latest news updates delivered to you via WhatsApp
ହେଲେ ଜିଲ୍ଲାରେ ଯେଉଁଭଳି ଭାବେ ରୋଗୀଙ୍କ ସଂଖ୍ୟା ବଢୁଛି, ସେମାନେ କେଉଁଠି ଚିକିତ୍ସିତ ହେବେ ସେନେଇ ଚିନ୍ତା ବଢିବାରେ ଲାଗିଲାଣି । କାରଣ ଆଗକୁ ସଂକ୍ରମଣ ଆହୁରି ବୃଦ୍ଧି ପାଇବ ବୋଲି ଆକଳନ କରାଯାଉଛି । ତେବେ ଶଯ୍ୟା ଅଭାବ ପଡିଲେ ରୋଗୀଙ୍କୁ ଭୁବନେଶ୍ୱରକୁ ସ୍ତାନାନ୍ତର କରାଯିବ । କାରଣ ଭୁବନେଶ୍ୱରରେ ରହିଛି ୧୦୦୦ ଶଯ୍ୟା ବିଶିଷ୍ଠ କୋଭିଡ ହସ୍ପିଟାଲ । ସମ୍ ଓ କିମ୍ସରେ ଏହି କୋଭିଡ ହସପିଟାଲ ରହିଛି ।
ସେପଟେ, ଗଞ୍ଜାମ ଜିଲ୍ଲାରେ କରୋନା ନିୟନ୍ତ୍ରଣ ନେଇ ଜିଲ୍ଲାପାଳ, ସାଂସଦ ଓ ବିଧାୟକଙ୍କ ସହ ଆଲୋଚନା କରିଛନ୍ତି ବାଚସ୍ପତି ସୂର୍ଯ୍ୟନାରାୟଣ ପାତ୍ର । ଏହାପରେ ଜିଲ୍ଲାପାଳ କହିଛନ୍ତି, ଗଞ୍ଜାମରେ ଆଉ ୪୦ ହଜାର କ୍ୱାରେଂଟିନରେ ଅଛନ୍ତି । ଟ୍ରେନ ଯୋଗେ ଆଜି ଆଉ ୨ ହଜାର ପ୍ରବାସୀ ଓଡିଆ ଆସି ଜିଲ୍ଲାରେ ପଂହଚିଛନ୍ତି । ସଙ୍ଗରୋଧ କେନ୍ଦ୍ର ପାଖ ଅଂଚଳରେ ୧୪୪ ଧାରା ଜାରି କରାଯାଇଛି । କୌଣସି ଲୋକ ସଙ୍ଗରୋଧ ସେଂଟରରୁ ଯେଭଳି ଖସି ନ ପଳାନ୍ତ ସେଥିପାଇଁ କଡା ସୁରକ୍ଷା ବ୍ୟବସ୍ଥା କରାଯାଇଛି ।