ଦେଶରେ ନଭେମ୍ବର ୩୦ ଯାଏଁ ବଢିଲା କୋଭିଡ କଟକଣା, ଜାଣନ୍ତୁ କଣ କହିଲେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ
କନକ ବ୍ୟୁରୋ : କେନ୍ଦ୍ର ଗୃହମନ୍ତ୍ରଣାଳୟର ସୂଚନା ମୁତାବକ କରୋନା ମହାମାରୀ ସଂକ୍ରମଣକୁ ରୋକିବାକୁ ଚାଲିଥିବା କୋଭିଡ କଟକଣାକୁ ନଭେମ୍ବର ୩୦ ତାରିଖ ଯାଏଁ ବୃଦ୍ଧି କରାଯାଇଛି । ଦେଶରେ ଗତକାଲିର ତୁଳନାରେ ଆଜି ସଂକ୍ରମିଣ ହାର ୨୦ ପ୍ରତିଶତ ବୃଦ୍ଧି ପାଇବାପରେ ଏଭଳି ନିଷ୍ପତ୍ତି ନେଇଛି କେନ୍ଦ୍ର ସ୍ୱାସ୍ଥ୍ୟମନ୍ତ୍ରଣାଳୟ ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଭାରତୀୟ ଉଦ୍ୟୋଗ ପରିଷଦ ସଂଘର ଏକ କାର୍ଯ୍ୟକ୍ରମରେ ଯୋଗ ଦେଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମଣ୍ଡାଭିୟା କହିଛନ୍ତି କି , ଭାରତ ଅର୍ନ୍ତରାଷ୍ଟ୍ରୀୟ ସ୍ୱାସ୍ଥ୍ୟ ପର୍ଯ୍ୟଟନ ହେବାକୁ କ୍ଷମତା ରଖିଛି । ସେ କହିଥିଲେ କି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୃଷ୍ଟିକୋଣରେ ସ୍ୱାସ୍ଥ୍ୟକୁ ଭାରତର ବିକାଶ ସହ ଯୋଡା ହୋଇଛି । ଦେଶରେ ସ୍ୱାସ୍ଥ୍ୟ କ୍ଷେତ୍ରରେ ନିବେଶ ନେଇ ଅନେକ ସମ୍ଭାବନା ରହିଛି ।
ଭାରତରେ ନଭେମ୍ବର ମାସରେ ୩୦ କୋଟି କରୋନା ଟିକା ଦିଆଯିବାକୁ ଯୋଜନା ହୋଇଛି ବୋଲି ସ୍ୱାସ୍ଥ୍ୟମନ୍ତ୍ରୀ ସୂଚନା ଦେଇଛନ୍ତି । ଏହା ମଧ୍ୟରେ କୋଭାକ୍ସିନର ୬ କୋଟି ଖୋରା. କୋଭିସିଲ୍ଡର ୨୨ କୋଟି ଖୋରାକ ଓ ଜାଇଡସ କାଡିଲାର ୨ କୋଟି ଖୋରାକ ସାମିଲ ହେବ ।