କରୋନା ନିୟନ୍ତ୍ରଣରେ ଉଦାହରଣ ପାଲଟିଲା ବଲାଙ୍ଗୀରର ଲକ୍ଷ୍ମୀ ଜୋରଖଣ୍ଡି: ବସ୍ତି ଅଂଚଳ ହୋଇଥିବାରୁ ମୁମ୍ବାଇର ଧାରାବୀ ଭଳି ସଂକ୍ରମଣ ବ୍ୟାପିବାର ଥିଲା ଆଶଙ୍କା; କଂଟେନମେଂଟ ଜୋନ ଘୋଷଣା କରି ଜୋରଦାର ହେଲା ଟେଷ୍ଟିଂ, ଟ୍ରେସିଂ ଓ ଟ୍ରିଟମେଂଟ
ମାସେ ଭିତରେ ହୋଇଗଲା କରୋନା ମୁକ୍ତ
କନକ ବ୍ୟୁରୋ: କରୋନା ନିୟନ୍ତ୍ରଣରେ ଉଦାହରଣ ପାଲଟିଛି ବଲାଙ୍ଗୀର ସହରର ହାତୀଶାଳପଡା ଲକ୍ଷ୍ମୀ ଜୋରଖଣ୍ଡି । ଜୁନା ୨୫ରେ ପ୍ରଥମ କରି ୨ କରୋନା ପଜିଟିଭ ଚିହ୍ନଟ ହୋଇଥିବା ଏହି ଅଂଚଳରେ ମାତ୍ର ୧୩ ଦିନ ମଧ୍ୟରେ ୬୧ ଆକ୍ରାନ୍ତ ଚିହ୍ନଟ ହୋଇଥିଲେ । ଯାହାକୁ ନେଇ ବଲାଙ୍ଗୀରରେ କୋକୁଆ ଭୟ ଖେଳିଯାଇଥିଲା । ଲକ୍ଷ୍ମୀ ଜୋରଖଣ୍ଡି ବସ୍ତି ଅଂଚଳ ହୋଇଥିବାରୁ ମୁମ୍ବାଇର ଧାରାବୀ ଭଳି ସଂକ୍ରମଣ ଦ୍ରୁତ ଗତିରେ ବ୍ୟାପିଯିବ ବୋଲି ଆଶଙ୍କା ପ୍ରକାଶ ପାଇଥିଲା । ବସ୍ତିରେ ସଂକ୍ରମଣ ବ୍ୟାପିବା ସହ ଆଖପାଖ ଅଂଚଳକୁ ମଧ୍ୟ କରୋନା ସଂକ୍ରମଣ ଡେଇଁ ଯିବ ବୋଲି ଆତଙ୍କିତ ହୋଇପଡିଥିଲେ ବଲାଙ୍ଗୀର ସହରର ବାସିନ୍ଦା । ହେଲେ ପ୍ରଶାସନର ସଠିକ ମୁକାବିଲା ଯୋଗୁଁ ପାଖପାଖି ମାସକ ଭିତରେ ଏବେ କରୋନା ମୁକ୍ତ ହୋଇଛି ବଲାଙ୍ଗୀର ସହରର ହାତୀଶାଳପଡା ଲକ୍ଷ୍ମୀ ଜୋରଖଣ୍ଡି ।
Kanak News is now on WhatsApp
Join and get latest news updates delivered to you via WhatsApp
ଜୁନ ୨୫ରେ ଦୁଇ ପଜିଟିଭ ଚିହ୍ନଟ ପରେ ସେହି ପଡାରୁ ସ୍ୱାବ ସଂଗ୍ରହ ସହ କଂଟାକ୍ଟ ଟ୍ରେସିଂ କରାଯାଇଥିଲା । ଆଉ ସମସ୍ତଙ୍କ ଟମକେଇ ଦେଲା ଭଳି ଜୁନ ୩୦ରେ ୧୩ ଜଣ କରୋନାରେ ଆକ୍ରାନ୍ତ ହୋଇଥିବା ରିପୋର୍ଟ ଆସିଥିଲା । ସେହିପରି ଜୁଲାଇ ୮ ତାରିଖ ସୁଦ୍ଧା ଲକ୍ଷ୍ମୀ ଜୋରଖଣ୍ଡିରୁ ମୋଟ ୬୧ ଜଣ ପଜିଟିଭ ଚିହ୍ନଟ ହୋଇଥିଲେ । ତେବେ ଜିଲ୍ଲା ପ୍ରଶାସନ ଉଚିତ ପଦ କ୍ଷେପ ନେଇ ଅଂଚଳକୁ କଂଟେନମେଂଟ ଜୋନ ଘୋଷଣା କରିବା ସହ ଆବଶ୍ୟକୀୟ ପଦକ୍ଷେପ ନେଇଥିଲା । ପ୍ରଶାସନ ପ କ୍ଷରୁ ଟେଷ୍ଟିଂ, ଟ୍ରେସିଂ ଓ ଟ୍ରିଟମେଂଟକୁ ଜୋରଦାର କରାଯାଇଥିଲା । ପାଖପାଖି ମାସେ ଭିତରେ ଲକ୍ଷ୍ମୀ ଜୋରଖଣ୍ଡି ବସ୍ତି ଏବେ କରୋନା ମୁକ୍ତ ହୋଇଥିବା ସୂଚନା ଦେଇଛନ୍ତି ବଲାଙ୍ଗୀର ଜିଲ୍ଲାପାଳ ।