ବଢୁଛି ସଂକ୍ରମଣ, କମୁଛି କରୋନା ପରୀକ୍ଷା: ମାତ୍ର ୩ ହଜାର ହାରରେ ଓଡ଼ିଶାରେ ହେଉଛି କୋଭିଡ ଟେଷ୍ଟ, ୪% ହାରରେ ବଢ଼ୁଛି ସଂକ୍ରମଣ
ବିରୋଧୀଙ୍କ କଡ଼ା ସମାଲୋଚନା: ଆଇଏଲଏସର ନିର୍ଦ୍ଦେଶକ କହିଲେ ଗାଇଡଲାଇନ୍ ଅନୁସାରେ ହେଉଛି ପରୀକ୍ଷା
କନକ ବ୍ୟୁରୋ: ରାଜ୍ୟରେ ବଢ଼ି ଚାଲିଛି କରୋନା ସଂକ୍ରମଣ ହେଲେ ଦିନକୁ ଦିନ କମୁଛି କରୋନା ଟେଷ୍ଟ । ଗୋଟିଏ ପଟେ କରୋନା ମୁକାବିଲା ପାଇଁ ଅଧିକରୁ ଅଧିକ ସ୍ୱାବ୍ ଟେଷ୍ଟ କରିବା ପାଇଁ ସରକାର କହୁଥିବାବେଳେ ଏବେ ଏହା କମିବାରେ ଲାଗିଛି । ଏହାକୁ ନେଇ ସରକାର ଉପରେ ବର୍ଷିଛନ୍ତି ବିରୋଧୀ । ତେବେ ଆଇସିଏମଆର ଗାଇଡଲାଇନ ଅନୁସାରେ ପରୀକ୍ଷା କରାଯାଉଛି ବୋଲି କହିଛନ୍ତି ଜୀବ ବିଜ୍ଞାନ ପ୍ରତିଷ୍ଠାନ ନିର୍ଦ୍ଦେଶକ ।
Kanak News is now on WhatsApp
Join and get latest news updates delivered to you via WhatsApp
ବଢୁଛି କରୋନା ସଂକ୍ରମଣ…କମୁଛି କରୋନା ପରୀକ୍ଷା…କରୋନା ପାଇଁ ନିର୍ଦ୍ଦିଷ୍ଟ ଚିକିତ୍ସା ଉପଲବ୍ଧ ନଥିବାରୁ ସଂକ୍ରମଣକୁ ରୋକିବାକୁ ସରକାରଙ୍କ ରଣନୀତି ଥିଲା ଟେଷ୍ଟ, ଟ୍ରେସିଂ ଆଣ୍ଡ ଟ୍ରିଟମେଂଟ । ଅର୍ଥାତ୍ କରେନା ଟେଷ୍ଟକୁ ବ୍ୟାପକ କରି ଆକ୍ରାନ୍ତଙ୍କୁ ଚିହ୍ନଟ କରିବା, ରୋଗୀଙ୍କୁ କୋଭିଡ ମେଡିକାଲରେ ଚିକିତ୍ସା କରିବା, କଂଟାକ୍ଟ ଟ୍ରେସିଂ କରି ସଂଦିଗ୍ଧଙ୍କୁ ସଙ୍ଗରୋଧରେ ରଖିବା ସହ ସଂକ୍ରମିତ ଅଂଚଳକୁ କଂଟେନମେଂଟ ଜୋନ୍ ବା ଅବରୋଧ ଅଂଚଳ କରି ସଂକ୍ରମଣକୁ ଅଟକାଇବା । ଏହାକୁ ଦୃଷ୍ଟିରେ ରଖି ଓଡ଼ିଶାରେ ପ୍ରତିଦିନ ୧୫ ହଜାର କୋଭିଡ୍ ଟେଷ୍ଟ କରିବାକୁ ଆହ୍ୱାନ ଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ତେବେ ପରବର୍ତୀ ସମୟରେ ଠିକ୍ ଓଲଟା ସ୍ଥିତି ଦେଖିବାକୁ ମିଳିଛି । ଦିନକୁ ଦିନ କମିଚାଲିଛି କରୋନା ପରୀକ୍ଷା । ନଜର ପକାନ୍ତୁ ଗତ ୭ ଦିନର କୋଭିଡ୍ ଟେଷ୍ଟ ଉପରେ
ଜୁନ ୬ – ୩୪୭୭
ଜୁନ ୭ – ୩୩୧୭
ଜୁନ ୮ – ୨୯୬୯
ଜୁନ ୯ – ୩୦୨୬
ଜୁନ ୧୦ – ୩୩୩୩
ଜୁନ ୧୧ – ୩୮୮୩
ଜୁନ ୧୨ – ୩୮୮୦
ମେ’ ମାସ ୨୩ ତାରିଖରେ ୫,୩୮୮ କୋଭିଡ୍ ଟେଷ୍ଟ ହୋଇଥିଲା । ଏହା ପର ଠାରୁ ଆଉ ୫ ହଜାର ସଂଖ୍ୟା ଟପି ପାରିନାହିଁ କରୋନା ପରୀକ୍ଷା ।ରାଜ୍ୟରେ କରୋନା ସଂକ୍ରମଣର ହାର ବଢୁଥିବାବେଳେ, ନମୁନା ପରୀକ୍ଷା କାହିଁକି କମୁଛି, ଏହି ପ୍ରଶ୍ନର ଗୋଟିଏ ଉତର ମିଳୁଛି । ଆଇସିଏମଆର ଗାଇଡଲାଇନ ଆଧାରରେ କରେନା ପରୀକ୍ଷା ହେଉଛି । ସେପଟେ କରୋନା ପରୀକ୍ଷା ହ୍ରାସ ପାଉଥିବାରୁ କ୍ଷୋଭ ପ୍ରକାଶ ପାଇଛି । ୨ ହଜାର ପରୀକ୍ଷା କରିବା ଏବେ କଷ୍ଟକର ହେଉଥିବା ବେଳେ କାର୍ହିକି କୋବାସ ମେସିନ୍ ଫେରାଇ ଦିଆଗଲା ବୋଲି ପ୍ରଶ୍ନ କରିଛନ୍ତି ବିଜେପି ନେତା ବିଜୟ ମହାପାତ୍ର ।
ଜୁନ ୧ରୁ ଜୁନ ୧୨ ତାରିଖ ମଧ୍ୟରେ ରାଜ୍ୟରେ ୩୬,୮୮୯ କୋଭିଡ୍ ପରୀକ୍ଷା ହୋଇଥିବା ବେଳେ ଦୈନିକ କରୋନା ପରୀକ୍ଷା ହାର ମାତ୍ର ୩,୦୭୪ । ଆଉ ଏହି ସମୟ ମଧ୍ୟରେ ୧୪୭୫ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆକ୍ରାନ୍ତଙ୍କ ହାର ୪ ପ୍ରତିଶତରୁ ଅଧିକ ହୋଇଛି ।