ଉତ୍ତରକୋରିଆରେ କାୟା ମେଲାଉଛି କରୋନା । ଓମିକ୍ରନ ପ୍ରଜାତି ଯୋଗୁଁ ମାଡିଚାଲିଛି ମହାମାରୀ । ଦୈନିକ ସଂକ୍ରମଣ ୩ଲକ୍ଷରୁ ଅଧିକ, ଗଲାଣି ୫୦ ଜୀବନ
କନକ ବ୍ୟୁରୋ: କରୋନା ଯୋଗୁଁ ହଠାତ ବଦଳିଛି ଉତ୍ତରକୋରିଆର ଚିତ୍ର । ଦେଶରେ ହୁ ହୁ ହୋଇ ବୃଦ୍ଧି ପାଉଛି ସଂକ୍ରମଣ । କରୋନା ଯୋଗୁଁ ଏବେ ସୁଦ୍ଧା ୫୦ରୁ ଅଧିକ ସଂକ୍ରମିତଙ୍କ ମୃତ୍ୟୁ ହୋଇସାରିଥିବାବେଳେ ୧୨ଲକ୍ଷରୁ ଅଧିକ ଲୋକ ମହାମାରୀ କବଜାରେ ପଡିସାରିଲେଣି । ସ୍ଥାନୀୟ ଗଣମାଧ୍ୟମ ରିର୍ପୋଟ ଅନୁସାରେ, ଉତରକୋରିଆରେ ଦୈନିକ ସଂକ୍ରମଣ ୩ଲକ୍ଷରୁ ଅଧିକ ରହୁଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଶାସକ କିମ ଜଙ୍ଗ ଉନ ଦେଶବାସୀଙ୍କ ଚିିକିତ୍ସା ପାଇଁ ସେନାକୁ ମୃତୟନ କରି ଔଷଧ ବିତରଣ କରିବାକୁ ନିର୍ଦ୍ଦେଶ ଦେଇଛନ୍ତି । ଉତ୍ତରକୋରିଆ ଆଟିଂ ଭାଇରସ ଏମରଜେନ୍ସି ସଂସ୍ଥା କହିଛ,ି ଦେଶରେ ଏବେ ସୁଦ୍ଧା ୧୨ ଲକ୍ଷରୁ ଅଧିକ ଲୋକ କରୋନାରେ ଆକ୍ରାନ୍ତ ହୋଇସାରିଲେଣି ଓ ୫ଲକ୍ଷରୁ ଅଧିକ ଲୋକଙ୍କୁ ସଂଗରୋଧରେ ରଖାଯାଇଛି ।
ଉତ୍ତରକୋରିଆ ଶୂନ୍ୟ କରୋନାର ସୁରକ୍ଷା କବଚ ଭିତରେ ରହିଥିବା ଶାସକ କିମ ଜଙ୍ଗ ଉନ ଦାବି କରି ଆସୁଥିଲେ । ଏପରିକି ନିଜ ଦେଶକୁ କରୋନାରୁ ଦୂରେଇ ରଖିବ ପାଇଁ କିମ ଜଙ୍ଗ ଉନ ସୀମା ସିଲ କରିବା ସହ ବାହ୍ୟଜଗତରୁ ଉତରକୋରିଆ ସମ୍ପୂର୍ଣ୍ଣ ବିଚ୍ଛିନ କରିଥିଲେ । କିନ୍ତୁ ଦୀର୍ଘ ଅଢେଇ ବର୍ଷ ପରେ ଗତ ସପ୍ତାହରେ ଉତରକୋରିଆରେ ପ୍ରଥମ କୋଭିଡ ସଂକ୍ରମିତ ଚିହ୍ନଟ ହୋଇଥିଲା । ଭୟଭୀତ ହୋଇ ଶାସକ କିମ ଜଙ୍ଗ ସାରା ଦେଶରେ ଲକଡାଉନ ଜାରି କରିଥିଲ । ସେପଟେ ରୁଷ,ଆମେରିକା,ମିଳିତ ଜାତିସଂଘର କୋଭିଡ ଟିକା ପ୍ରସ୍ତାବକୁ ପ୍ରତ୍ୟାଖାନ କରିସାରିଛି ଉତରକୋରିଆ । ଯାହାର ପରିଣାମ ସୁରୁପ ଏବେ ଦେଶରେ ନିଆଁ ବେଗରେ ମାଡି ଚାଲିଛି କରୋନା ।