କୋଭିଡ୍ ସମୟରେ ମାନସିକ ରୋଗୀଙ୍କ ପାଇଁ ବିଶେଷଜ୍ଞଙ୍କ ପରାମର୍ଶ । ନେଇପାରିବେ କୋଭିଡ୍ ଟିକା , କୋଭିଡ୍ ଔଷଧ ଖାଇବାରେ ନାହିଁ କୌଣସି ଅସୁବିଧା ।
କନକ ବ୍ୟୁରୋ: କୋଭିଡ୍ ସମୟରେ ମାନସିକ ରୋଗୀ କିପରି ରହିବେ ଏବଂ ସେମାନେ କୋଭିଡ୍ ପଜିଟିଭ୍ ହେଲେ କେଉଁ କେଉଁ ପନ୍ଥା ଆପଣାଇବେ ସେନେଇ ଆଜି ରାଜ୍ୟ ସରକାରଙ୍କ ପକ୍ଷରୁ ପରାମର୍ଶ ଦେଇଛନ୍ତି ବିଶେଷଜ୍ଞ ସାରଦା ପ୍ରସନ୍ନ ସ୍ୱାଇଁ । ତାଙ୍କ କହିବା ମୁତାବକ, ବର୍ତ୍ତମାନ ପରିସ୍ଥିତିରେ ଲୋକଙ୍କ ମନରେ ଅହେତୁକ ଭୟ ରହୁଛି । ଆଗରୁ କୌଣସି ଲୋକଙ୍କ ପାଖରେ ମାନସିକ ରୋଗ ଥିଲେ ବର୍ତ୍ତମାନ ମହାମାରୀ ସମୟରେ ଏହା ପ୍ରଭାବିତ ହେବାର ମଧ୍ୟ ଯଥେଷ୍ଟ ଆଶଙ୍କା ରହିଛି । ହେଲେ ଲୋକମାନେ ଏଥିପ୍ରତି ଭୟଭୀତ ନହେବା ସହିତ ନିଜକୁ ସବୁବେଳେ କୌଣସି ନା କୌଣସି କାମରେ ନିୟୋଜିତ କରି ରଖିବାକୁ ସେ ପରାମର୍ଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଥିସହ ଜଣେ ମାନସିକ ରୋଗୀ କୋଭିଡ୍ ପଜିଟିଭ୍ ହେଲେ ସେ କେଉଁ କେଉଁ ଚିକିତ୍ସା ପଦ୍ଧତି ଆପଣାଇବେ ସେନେଇ ମଧ୍ୟ ଡାକ୍ତର ଶାରଦା ପ୍ରସନ୍ନ ସ୍ୱାଇଁ ପରାମର୍ଶ ଦେଇଛନ୍ତି । ଜଣେ ମାନସିକ ରୋଗୀ କୋଭିଡ୍ ପଜଟିଭ୍ ଚିହ୍ନଟ ହେବା ପରେ ନିଜ ମାନସିକ ରୋଗର ଔଷଧ ସହ କୋଭିଡ୍ ଔଷଧ ମଧ୍ୟ ନେଇପାରିବେ । ଏହାସହ ଘରେ ସଙ୍ଗରୋଧରେ ରହୁଥିବା ବ୍ୟକ୍ତି ୨୪ ଘଂଟା ଘର ଭିତରେ ବନ୍ଦ ନରହି କିଛି ଶାରିରୀକ କାମ କରିବାକୁ ସେ ପରାମର୍ଶ ଦେଇଛନ୍ତି ।
କୋଭିଡ୍ ଓ ମାନସିକ ସ୍ୱାସ୍ଥ୍ୟକୁ ନେଇ ବିଶେଷଜ୍ଞଙ୍କ ପରାମର୍ଶ
ବର୍ତ୍ତମାନ କୋଭିଡ୍ ସମୟରେ ଲୋକଙ୍କ ମଧ୍ୟରେ ଅହେତୁକ ଭୟ ରହୁଛି
ଆଗରୁ ମାନସିକ ରୋଗ ଥିଲେ ପ୍ରଭାବିତ ହେବାର ଆଶଙ୍କା ରହିଛି
ମାନସିକ ରୋଗୀ ମଧ୍ୟ କୋଭିଡ୍ ଔଷଧ ଖାଇପାରିବେ
ଡାକ୍ତର ଓ ବିଶେଷଜ୍ଞଙ୍କ ପରାମର୍ଶ କରି ଔଷଧ ଖାଆନ୍ତୁ#COVID19 #MentalHealth #MaskUpOdisha pic.twitter.com/QzygBoQage— Kanak News (@kanak_news) May 12, 2021
ସେହିପରି ଜଣେ ମାନସିକ ରୋଗୀ କୋଭିଡ୍ ଟିକା ନେଇପାରିବେ କି ନାହିଁ ପ୍ରଶ୍ନରେ ବିଶେଷଜ୍ଞ କହିଛନ୍ତି ଯେ, ଜଣେ ମାନସିକ ରୋଗୀ କୋଭିଡ୍ ଟିକା ନେବାରେ କୌଣସି ଅସୁବିଧା ନାହିଁ । ଅନ୍ୟ ଲୋକଙ୍କ ଭଳି ସେ ମଧ୍ୟ ସାଧାରଣ ଭାବେ କୋଭିଡ୍ ଟିକା ନେଇପାରିବେ । ତେବେ ଜଣେ ମାନସିକ ରୋଗୀ କିଭଳି ଉପଯୁକ୍ତ ଭାବେ କୋଭିଡ୍ ଗାଇଡଲାଇନ୍ ପାଳନ କରିବ ତା ସବୁଠୁ ଗୁରୁତ୍ୱପୂର୍ଣ୍ଣ ବୋଲି ସେ କହିଛନ୍ତି । ଏଥିସହ ସମସ୍ତେ ମାସ୍କ ଓ ସାମାଜିକ ଦୂରତା ପାଳନ କରନ୍ତୁ ବୋଲି ସେ ପରାମର୍ଶ ଦେଇଛନ୍ତି ।